اليوم الثاني صادف تاريخ ١٨\١٢ :
بعد ما تجمعنا و كل شخص اخذ مكانه
بدأ محمد السداني بالترحيب و تقديم د. أيوب الأيوب ليقدم محاضرته بعنوان :
الأبعاد النفسية للمغترب
الملتقى كان بقاعة البركة نفس اليوم اللي قبله
كان يوم ممتع بصراحة ..
تكلم فيها د. ايوب عن مختلف الجوانب
و ذكر فيها كثير من القصص اللي ناخذ منها العبر و بنفس الوقت تضحك
سوالنا تمرين و طبعا كلنا فشلنا فيه مثل ما كان يتمنى !
و الغرض من التمرين ان ما تبع اي شي قالولنا الناس
و ناخذ مسير خاص فينا و ما نخاف التجربة
كلمنا د. أيوب كأب لابنائه
امتعنا بخفة دمه و قصصه و النصايح اللي قالها لنا
بعدها قدم لنا د. بيبي العجمي
لتلقي لنا تجربتها في دراسة الدكتوراه في ادراة المعلومات
" Knowledge Management "
في الولايات الامريكية المتحدة
كان حديثها يحتوي على كثير من النصايح و التجارب اللي صارت معاها
و حديث عن العادات المفيدة اللي خذتها من عندهم
مثل القراءة في وقت الفراغ
و قصص و مواقف ثانية حصلت معاها
و في نقطة ذكرها د. ايوب و د. بيبي
اللي اهيا ان من الاحسن ان نعرف عاداتهم حتى ما نقع بموقف محرج
بعد ما خلصت شكرها د. ايوب و ختم محاضرته
تلاه شكر و تكريم لحضور د. ايوب الايوب
و كانت المسابقة بعد التكريم ..
السحب كان على :
LCD TV's
DVD Players
ساعات نسائية
ساعات رجالية
بس ما اذكر العدد بالضبط
بعد السحب بدأت حلقة نقاشية للطلاب
تكلموا فيها الطلاب اللي سبق و درسوا بالخارج عن تجاربهم
و المواقف اللي صارت معاهم او حتى مع صديق او زميل لهم
بعد الختام تم شكر جميع من ساهم في انطلاقة و تمكين هذا الملتقى
و ترتيبه حتى يظهر العمل على هذا الشكل فالشكر كان للجميع
ليست هناك تعليقات:
إرسال تعليق