12.9.12

مسرحية بسنا فلوس



قبل اسبوع تقريباً على ما اظن يوم الجمعة رحنا مسرحية بسنا فلوس لـ ( طارق العلي)
عرض الساعة 10



العرض تأخر تقريباً  20 دقيقة .. اتوقع عشان الناس كانوا بعدهم برا يشترون لمن 3/4 الكراسي انترست بلشوا 

و خلصت على 2 و شيء اذا ماني غلطانه

القصة عبارة عن ابو جعص و بخيل حيل .. بس همه الفلوس و شلون يخشهم مثل هالدور طارق العلي طبعاً

و اخته كانت هيا الشعيبي بالاضافة الى عياله مبارك المانع و سلطان فرج

و كان معاهم بعد شهاب حاجية بدور ولد خالتهم اللي يحب هيا الشعيبي و يبي يتزوجها

و ادوار بسيطة نوعاً ما لباجي الطاقم .. مثل :
احمد الفرج
امل عباس
هاني الطباخ
نواف نجم
احمد الشمري
خالد مظفر
و غيرهم .. 




بالنسبة لي هذه اول مرة احضر مسرحية لطارق العلي ..

بس رحت لها مع اهلي

و اغلبهم كل سنة يحضرون مسرحياته

 بشكل عام كانت تضحك 

مافيها قطات +18 على كلام اللي كانوا وياي 

و ان اقل بوايد من المسرحيات اللي قبل



خلصت المسرحية لمن احترق البيت و احترقت الفلوس اللي كان خاشهم .. و عرف طارق العلي غلطته 

استمتعنا بالمسرحية .. و الحضور كانوا يونسون بعد و متفاعلين وياهم 

و اخر شيء شكر طارق العلي شهاب حاجية لكونه قاعد يكمل بالمسرحية وياهم على الرغم من ان كانت الليلة الثانية على وفاة والدته

الله يرحمها و يرحم جميع الاموات المسلمين و المسلمات يا رب



تقدرون تشوفون صور ثانية و القصة بشكل دقيق اكثر على مدونة 
[pink girl q8]

2 comments:

Aether يقول...

I have infinite hate for 6ariq el3ali and I refuse to watch any of his works.

Katkoota xD يقول...

why ?

this was my first time going to a theatre for his play

but ive seen couple of his plays on tv before

but it was a fun experience actually

إرسال تعليق