اسم الكتاب : الليوان
للكاتب : عبدالله جواد صالح
الطبعة الاولى 2012
عدد الصفحات : 169
من دار بلاتينيوم بوك
الكتاب عبارة عن جزئين
الجزء الاول كالمعجم تقريباً
فيها كلمات كتب معناهم و أصلهم و بعضهم حاط لهم صورة
و الحلو فيه ان الكلمات حاطهم بجمل
لكن عندي تعليق صغير ان الكاتب نسى يكتب معاني كل الكلمات
حيث ان صح في بعضهم واضح لكن في بعضهم لا
خاصة اذا الجيل الحالي مو عارف هالكلمات او ان مو مارة عليهم
فـــ ما راح يعرف الكلمة اذا ما لها معنى او حتى صورة
و هالنقطة تكلمنا فيها مع الكاتب و تقبلها بصدر رحب
و مثل ما نقول مرات من التعب و الجهد في أشياء تسقط سهواً
لكن قال باذن الله يعدل هالاخطاء بالطبعات الياية
الجزء الثاني من الكتاب عبارة عن قصص
او نقدر نقول مقالات باطار ساخر تقريبا
حبيت فيهم أكثر شي القصص او الحوارات مع الناس
بس تمنيت ان الكلمات او الجمل باللهجة العامية تكون اقل
ادري ان الكتاب اساسا عن اللهجة الكويتية
بس حسيت ان بعض الكلمات ممكن كانت كافية
و خاصة ان الجزء الاول كان عبارة عن كلمات باللهجة الكويتية
لكن بشكل عام كان الكتاب حلو
و تميز عن باقي القصص و الروايات
حيث ان اغلب اللي عندي روايات عاطفية
بالنسبة لي هالكتاب تقييمي فيه ما راح ينتج لكم بشيء مثمر
لان انا عموما مالي ميول بالتاريخ او ما احب اقرا عن مصادر و معاني او حتى ثقافة
ان كانت بكتاب او بالنت خاصة ان كان شي طويل
احس ان ممل ـ.ـ فهذه كانت بداية لي
و أظن ان البداية كانت حلوة ..
و ما تمللت من الكتاب مثل ما كنت متوقعة
للتواصل مع الكاتب عبر Twitter :
@abdulla_jawad
