23.12.10

كلام ابيك تذكره



ياللي كنت نبض قلبي و محييه

تجازي وفاه بالخيانة

حطيتك بوسط فؤادي و قفلت عليه

و عاملتك بكل معالم الحب و الشهامة

الاصول و الشهامة الل انت ما تعرفت عليه

فيه تكلمني و دايم تذكره

الاصول يا بو الاصول لا تكلمت فيه

طبقه عليك قبل ما تبلش بالملامة

ركضت ورا كلام الناس و صدقته

ما درى هالانسان ان كلام الناس بيعميه

و عذوره اللي عباله ميته فيه

من تصير وقت الصجية بتمشي و تتركه

ما هقيتك بيوم تمشيك مره

ياللي كنت دايم اكلمك و انصح فيك

صدقني حياتك بدوني مبعثرة

الدليل انك منت متهني

و ادري دايم مشغول بالك فيني

هذا مو جديد بس بالحقيقة مصخرة

محد جبرك تتركني

لكن عقلك الصغير على كلام الناس يمشي

تسمع الكلام بدون ما تحلله

و لا تفكر فيه ولا تسأل عن اللي جرا

ترا ماهي رجوله اللي تفعله

هذا كلامي لك و اللي ابيك تذكره

9.12.10

١٤٣٢هــ


ادري اني متأخرة .. بس حبيت ابارك لكم بالسنة الهجرية اليديدة

و اقولكم كل عام و انتوا بألف خير

كل شي صار بــ١٤٣١ هـ ما عجبكم قطوه بحر

و الحلو ان الواحد يتعلم من اغلاطه و ما يكررها

و السنة اليديدة آمال و طموحات يديده و انشالله الكل يحققها

سنة ١٤٣٢ هـ انشالله سنة خير على الكل يارب

عذروني على التأخير

و

Have a nice weekend all =D

5.12.10

كاس الخليج 2010


الف الف مبروووك فووز منتخبنا بالكاس الــ10 بـــ2010


والله و يستاهلوون الازرق الكويتي

أفضل هداف في البطولة ......... بدر المطوع

أفضل لاعب في البطولة .......... فهد العنزي

أفضل حارس مرمى ............ نواف الخالدي

الف مبروووك تستاهلووون

1.12.10

باااك + واجب/اعترافات


بسم الله الرحمن الرحيم


اول شي I'm Back :P فقدت التدوين

بس شنسوي الظروف اقوى

الامتحانات ابدااااااااااااااااع

درجااات ما تبشر بالخير :'( حاشني اكتئاب مو طبيعي

عفية الحين صارت الدراسه اللي قبال التلفزيون و ضحك و سوالف و اكل

احسن من الدراسه اللي 4 تيام و اكثر لاا و مجابلته عدل لا تلفزيون لا تلفونات لا شي

قهر .. بس شنقول الحمدالله على كل حال .. و انشالله تتعوض

الاسبوع الاول طبعا بس بجي و حالة احباط خخخخ مسكينه انا كسرت خاطر نفسي بهالاسبوع

بس بالويك اند الوالده الله يخليها ما خلتني .. طلعتني و خلتني اغير جو .. و الحمدالله تعدلت النفسية

الاسبوع الثاني كانت النفسيه حلوه و الامتحانات سهله ولا اروع بس عندي امتحان جيولوجيا اجلته كنت خايفه منه

ـــــــــــــــــــــــــــــــــ

الحين نحل الواجب

Awoosha هذا الواجب من

السؤال يقول : سجلي اعترافاتك

1- اعترف اني احب اكل اشياء صحية و على كثر ما اكل ما امتن

2- اعترف اني اطمح ادش طب بس ١١ علمي تخلي الواحد ينسى احلامه

3- اعترف اني ما اعرف اكره احد ولا احد بقلبي و هالشغله صح بس مرات تتعب الواحد

4- اعترف اني احب الدراسة بس اكره ضغط الامتحانات

5- اعترف اني اسوي كل شي على المزاج .. و مزاجية بدرجة مو طبيعية

6- اعترف اني حساسه وايد و اتأثر بكلام الناس بس ما احب ابين لاحد

7- اعترف اني كتومه و ما احب اتكلم عن نفسي او مشاكلي الا لاشخاص قليلين

8- اعترف اني عطيت ناس وايد ثقة ما يستحقونها

9- اعترف اني احب رفيجاتي و اعزهم حييل و اعتبرهم خوااتي و اكثر من خواتي

وايد طولت عليكم :P ممم بس كاافي اتوقع

و سوري على التأخير


14.11.10

كل عام و انتوا بخير

عيدكم مبارك

كل عام و انتوا بخير

و تقبل الله طاعتكم يارب

ـــــــــــــــ

عذروني .. ادري اني ما قمت انزل بوستات

بس تأكدوا اني متابعتكم كلكم

الدراسة شاغلتني هالايام

و لان اول سنة تخصص علمي

فشوي صاير ضغط علينا

و لازم اشد حيلي عشان اييب نسبة حلوه

فوق هذا الاسبوع الياي من 21/11 نبلش امتحانات

و اول امتحان فيزيا

يعني ماراح نتهنى بالعيد و نحس بفرحته .. بنقعد ادرس :'(

ادعوولي اييب نتايج حلوه


تحياتي لكم جميعاً

Katkoota xD

9.10.10

واجب/المواقع المفضله عندي

صباح / مساء الخير

شلونكم ؟! انشالله تمام

هذا اول واجب لي

بسم الله نبدأ

س١ : من أرسل لك الدعوة ؟

سفيرة المحبة

صاحبة مدونة : بنت المغرب

س٢ : ما هي الموقع المفضلة لديك و تزورها باستمرار ؟ ضع رابطها و ما تستفيده منها

تحتل المرتبة الاولى
Google
لانه كل شغلي فيها من ابحاث و جذي

بعدها مدونتي و مدونات الصديقة لازم كل ما اشبك اشوفهم
حتى اذا ما علقت .. اكون متابعتهم بصمت

Youtube ال
طبعاً مهم اكيد
كل ما تمللت ادش اشوف لي فيلم .. مسلسل .. او كرتون

لا ننسى
Hotmail ال
.. و بس

س٣: حول الواجب الى 5 مدونين






الواجب مو اجباري

و اللي يعلق او اللي حاب يحل الواجب حياه الله

تحياتي لكم



2.10.10

١١ع ...Back to school


مثل ما تدرون المدارس بلشت .. و الجد بلش .. بقالي سنه و اتخرج فعذروني لاني مو قاعده ادش على بوستاتكم

هالبوست مفروض ينزل اول يوم مدارس .. بس بين الواجبات و التحضير و النومه المعفوسه كنت تعبانه فما قدرت انزله

هذول الكتب كلهم تقريباً اللي عطونا اياهم



و هني بصوره اوضح

كلهم 21 كتاب مع كتاب محذوف يعني 20 كتاب



فوق هذا مغيرين ناظرتنا و منزله قوانين يديده

اهيا طبعاً اول سنه تصير ناظره

كانت وكيله بخالده بنت الاسود اسمها عادله او شي جذي

انا اللي سألتهم كلهم يكرهونها يقولون شرانيه و عسره

خل اقولكم شنو القوانين اللي حاطتهم علينا :

١- الحجاب ما ينفصخ كلش

قلنا لها الحق لانه خايفة على البنات الحارس يشوفهم او شي

بس بعدين قالت حتى بالصف ما ينفصخ انزين ليييش بروحه حر

٢- النفانيف بدون حزام ولا زراير ولا خيوط ولا شي ساده

٣- التراجي فتحه وحده و يكونون صغار يا ذهبي يا فضي

٤- عناقيص لي فوق ممنوع

٥- جوتي رياضة ( يكرم السامع ) ممنوع

لازم الكل يلبس فلات انزين ليييش شكو هذا بهذا

لا و لمن يكون علينا بدنيه لازم جوتي رياضة نييبه معانا بس ما يصير نلبسه

ليش كل هالعباله انزين ؟؟!

يعني شصار يعني اذا لبسنا جوتي رياضة

هذا غير بعد باجي القوانين اللي مو ذاكرتهم الحين

ايي و بعد يقولون انها مناصرة للمرأة و تكره شي اسمه ريال

لمن ايي لها ولي أمر تكلمه بنفسية و تطرده من مكتبها

و لما تكون وليه أمر يايتلها تكلمها بكل احترام

و هذا الكلام ناتج عن حادثة صارت

الحادثة كما روتها لي المصدر :

الموقع : المدرسة

الوقت : صباحاً

اتى الوالد العزيز لاحدى الطالبات الى مكتب الوكيله ( الناظره حالياً) و طلب منها ان يخرج ابنته

حيث انها اتصلت به من غرفة الاخصائية الاجتماعية تظراً لمرضها و ارهاقها الشديد

الوالد : لو سمحتي بنتي داقة .. تعبانه باخذها اوديها الطبيب ما عليج أمر

الناظرة : اسفة ما اطلع بنات .. من يخلص الدوام تقدر تاخذها

الوالد : بس بنتي تعبانه شلون اخليها

الناظرة : تشوفها تتدلع و تقول تعبانه و اهيا مافيها شي

الوالد : لو سمحتي نادي بنتي عشان اخذها

الناظرة : قلت لك ما راح تطلع لو سمحت تفضل برا عندي شغل وايد

خرج الوالد و هو في ثائر .. اتصل بوالدة الفتاة المريضة

الوالد : أم فلانه روحي اخذي بنتج حاولي تتفاهمين مع الوكيله (الناظره حالياً) ما تتفاهم كلش

اتجهت الوالدة الى المدرسة و طلبت من الوكيله (الناظرة حالياً) ان تحضر ابنتها لتسير بها الى الطبيب

الوالدة : لو سمحتي اختي يايه اخذ بنتي تعبانه

الناظرة : حاضر .. اي صف اهيا

الوالدة : الصف الفلاني

الناظرة : تفضلي قعدي على ما تيي

و خرجت الفتاة مع والدتها بسلام

.
.
.

الى الآن اللغز ساري فلا احد عرف سبب كرهها للرجال

علماً بأن الحادثة تكررت اكثر من مره باختلاف المواقف



تمنياتي لكم جميعاً بالتوفيق و النجاح

و دعواتكم اني اييب نسبه حلوه

الى اللقاء القريب

19.9.10

بوصل لك سلامي

قلنا و كتبنا كلام كثير
لكن هل من مستمع جدير
.
.
.
.
تجيلي في عز ضيقي
تكدرني و تبكيني
و انا اللي أداري شعورك
كل ما بكيت و دموعي صارت على خدي
رميتني بكلام من حجر و تزيد من عذابي
أبفهم شي واحد..
ليش كل هذا اذا انا سبب فرحتك و بسمتك
تقول لي انت عمري و دنيتي
ما أبي غيرك .. و أبيك لي لوحدي
كل ما أشوفك تبهرني طلتك
تهيج الأحاسيس و تمحي سكوني
كل مرة أكثر تفاجئني
و تحلى أكثر بعيني
كان كل مرة هذا كلامك
كنت بكلامك المعسول تغرقني
وبالغزل دايم ترمسني
كيف أعيش من غيرك
كان هذا تفكيري
لكن الوقت غيرني
و صار الزمن ضدك و ضدي
أنا ماني على خبرك
ماني ذاك الطيب تراني
نصيحة لك انساني
و ما أتوقعها صعبة عليك
أيام تمر و انت مجافيني
أيام تمر و انت عني مو داري
لا تخاف ما عدت أحتاجك
بالعكس انت محتاجني
عالكل بديتك
و اخترتك انت لقلبي
من بين كل الناس نقيتك
و ما صاب اختياري
فضلت كلام الناس عليّ
لا تفكر بقرارك
كل هذا كان ماضي
و حان وقت أخذ قراري
بحركة أقدر أنهيك
و بثانية أداويك
تذكر يوم كنت وياي
تضحك لضحكتي
و تمسح دمعتي
هالأيام دفتنها بقلبي
و صارت خيال بذاكرتي يمري
مابي شي منك
ولاني متلهفة للقياك
أنا سرت بحياتي
وماني واقفة عليك
بالأخير بس بوصل لك سلامي