2.10.10

١١ع ...Back to school


مثل ما تدرون المدارس بلشت .. و الجد بلش .. بقالي سنه و اتخرج فعذروني لاني مو قاعده ادش على بوستاتكم

هالبوست مفروض ينزل اول يوم مدارس .. بس بين الواجبات و التحضير و النومه المعفوسه كنت تعبانه فما قدرت انزله

هذول الكتب كلهم تقريباً اللي عطونا اياهم



و هني بصوره اوضح

كلهم 21 كتاب مع كتاب محذوف يعني 20 كتاب



فوق هذا مغيرين ناظرتنا و منزله قوانين يديده

اهيا طبعاً اول سنه تصير ناظره

كانت وكيله بخالده بنت الاسود اسمها عادله او شي جذي

انا اللي سألتهم كلهم يكرهونها يقولون شرانيه و عسره

خل اقولكم شنو القوانين اللي حاطتهم علينا :

١- الحجاب ما ينفصخ كلش

قلنا لها الحق لانه خايفة على البنات الحارس يشوفهم او شي

بس بعدين قالت حتى بالصف ما ينفصخ انزين ليييش بروحه حر

٢- النفانيف بدون حزام ولا زراير ولا خيوط ولا شي ساده

٣- التراجي فتحه وحده و يكونون صغار يا ذهبي يا فضي

٤- عناقيص لي فوق ممنوع

٥- جوتي رياضة ( يكرم السامع ) ممنوع

لازم الكل يلبس فلات انزين ليييش شكو هذا بهذا

لا و لمن يكون علينا بدنيه لازم جوتي رياضة نييبه معانا بس ما يصير نلبسه

ليش كل هالعباله انزين ؟؟!

يعني شصار يعني اذا لبسنا جوتي رياضة

هذا غير بعد باجي القوانين اللي مو ذاكرتهم الحين

ايي و بعد يقولون انها مناصرة للمرأة و تكره شي اسمه ريال

لمن ايي لها ولي أمر تكلمه بنفسية و تطرده من مكتبها

و لما تكون وليه أمر يايتلها تكلمها بكل احترام

و هذا الكلام ناتج عن حادثة صارت

الحادثة كما روتها لي المصدر :

الموقع : المدرسة

الوقت : صباحاً

اتى الوالد العزيز لاحدى الطالبات الى مكتب الوكيله ( الناظره حالياً) و طلب منها ان يخرج ابنته

حيث انها اتصلت به من غرفة الاخصائية الاجتماعية تظراً لمرضها و ارهاقها الشديد

الوالد : لو سمحتي بنتي داقة .. تعبانه باخذها اوديها الطبيب ما عليج أمر

الناظرة : اسفة ما اطلع بنات .. من يخلص الدوام تقدر تاخذها

الوالد : بس بنتي تعبانه شلون اخليها

الناظرة : تشوفها تتدلع و تقول تعبانه و اهيا مافيها شي

الوالد : لو سمحتي نادي بنتي عشان اخذها

الناظرة : قلت لك ما راح تطلع لو سمحت تفضل برا عندي شغل وايد

خرج الوالد و هو في ثائر .. اتصل بوالدة الفتاة المريضة

الوالد : أم فلانه روحي اخذي بنتج حاولي تتفاهمين مع الوكيله (الناظره حالياً) ما تتفاهم كلش

اتجهت الوالدة الى المدرسة و طلبت من الوكيله (الناظرة حالياً) ان تحضر ابنتها لتسير بها الى الطبيب

الوالدة : لو سمحتي اختي يايه اخذ بنتي تعبانه

الناظرة : حاضر .. اي صف اهيا

الوالدة : الصف الفلاني

الناظرة : تفضلي قعدي على ما تيي

و خرجت الفتاة مع والدتها بسلام

.
.
.

الى الآن اللغز ساري فلا احد عرف سبب كرهها للرجال

علماً بأن الحادثة تكررت اكثر من مره باختلاف المواقف



تمنياتي لكم جميعاً بالتوفيق و النجاح

و دعواتكم اني اييب نسبه حلوه

الى اللقاء القريب

هناك 49 تعليقًا:

  1. الله يوفقققج يارب وتيبين نسبه حلوه تدخلج للمكان الي تبينه

    مووفقه يارب وربي يعينا ويعين الجميع

    ردحذف
  2. يبووووووووووووووي على هالناظره اهي خل تفصخ نقابها خخخخخ عشان تخلينا نفصخ حجاباتنا

    تقثثثث ياربي ولا الي ضحكني سالفه الفلاتات كاااااااااااااك مت مت ضحك صراحه


    هالناظره مصخره وتوني ادري عن هالمعلومات ترى

    ردحذف
  3. هههههههه حدج ضحكتيني على هالناظره حمدالله و الشكر شهالقوانين القتاليه p:
    ترى 11 يبيلها مجابل بس مو وايد صعبه شدي حيلج :)
    و 12 لحد الحين اشوفها واااايد اسهل من 11
    موفقه انشالله

    ردحذف
  4. يلا موفقة بإذن الله ..

    وشدي حيلج وان شاءالله تيبين أعلى النسب يارب

    وسنة دراسية سعيدة

    :)

    ردحذف
  5. حبيبتي معذورة والله
    إنشالله سنة دراسية سعيدة وكلها نجاح وانجاز
    ويارب إتيبين النسبة اللي ترفع الراس وتوصلج المكان اللي تبينه :)

    أما بالنسبة للناظرة فتأكدي وايد مثل نوعها, آنا أذكر لما كنت بالثانوية ناظرتنا بعد ما ترضى نلبس جوتي الرياضة وقوانينها أخس من قوانين ناظرتكم
    بس شر لابد منه والله يعينكم

    موفقة :)

    ردحذف
  6. لوووووووول والله ضحكني الموووقف لوووول مصخرره .. اشلون جذي تعامل ؟!!

    بش شوفي كتكوته .. الناظره لازم تسوي كنترول عالمدرسه سو لازم اطلع جذي قرارات عشان الالتزام في بدايه الامر والتحكم بالانظباط سوو تحمولها اشوووي :p
    وعسى الله يوفقج ويسهلها علييج ان شاءلله :*

    ردحذف
  7. موفقه يارب..

    قوانينكم مثل قوانينا قبل بس الحجاب غير وتعاملها مع اولياء الامور غريب:\

    الله يعينكم عليها ..

    ردحذف
  8. بالتوفيق حبيبتي..شدي الهمة اخر سنة :)
    21 كتاااب وويييييييه واايد نحن كانوا 13 كتاب وهادين حيلنا :(


    موفقه يارب ..والله ييسر لج امورج ^^

    ردحذف
  9. الله يوفقج إن شاءالله وتاخذين أعلى نسبة :)
    والله يعينج على هالكتب وشيلتهم.

    ردحذف
  10. ههههههههههههههههه هذي طلعت معقده

    بس ترى سالفة النظام اول الايام لا اكثر ..

    شدي حيلج .. موفقة ^_^

    ردحذف
  11. وااااااي صج صج لوعه سوالف اداره المدرسه


    لما اكون صج تعبانه ومايخلوني ادق



    الله يعينج يالله باجر تكبير وتنسين :p

    ردحذف
  12. السلام عليكم ....
    الله يوفقج أن شاء الله وتتخرجين ...
    وكان الله في عونكم ..في حفظ الله

    ردحذف
  13. الله يعينج و يوفقج يارب

    ردحذف
  14. ههههههههههه
    ناظرتكم فيلم يا كتكوته :)

    عادي صبري بقى سنتين و تتخرجين :)
    موفقه بالدراسة حبيبتي

    ردحذف
  15. Unique Girl :

    انشالله .. الله يسمع منج يارب

    اجمعيين انشالله

    والله مو من صجها يا اخي بالصف بس

    ولا باجي القوانين حمدالله و الشكر حشى معسكر مو مدرسة

    منوره البلوق

    ردحذف
  16. bokeh of magic* :

    هههه حداا مادري عنها

    ايي الكل يقول .. انشالله نبيض الويه و نييب نتيجه حلوه

    امين يارب

    اسعدني مرورج

    ردحذف
  17. Engineer A :

    تسلمين يالغالية

    انشالله الله يسمع منج

    للكل انشالله

    وجودج اسعدني

    ردحذف
  18. Amwaj :

    تسلمين حبيبتي

    مشكوره ما قصرتي

    امين يارب

    هههه بس والله شدعوا عليها مو من صجها
    هذا اهوه

    اجمعين انشالله

    ردحذف
  19. AsMa-Kw :

    اييي حدها مو من صجها

    مفروض تتعامل باسلوب ارقى من جذي

    على الاقل تقول له خلاص تطلعها بس تييب طبية باجر

    ايي انا اقول جذي ليش اول سنه بتثبت نفسها بس انشالله مو على حسابنا

    انشالله يارب الله يسمع منج

    ردحذف
  20. رورو شخبوطة :

    تسلمين حبيبتي

    ايي حداا غريب شدعوا عليها

    يعني البنت شذنبها انها تعبت

    مسكييينه خخخ

    و يعين الجميع انشالله

    منوره

    ردحذف
  21. ام حروبي :

    تسلمين يالغالية

    بس هذه مو اخر سنه بعد لي سنه

    ايي والله كساار ظهر

    الله يوفق الجميع انشالله

    امين يارب

    ردحذف
  22. Hanan whatever :

    انشالله يارب .. الله يسمع منج

    ايي والله ظهري قام يعورني بسبت هالكتب

    و المشكله كل ما نقولهم حطو لنا لوكرز يقولون لازم ندق على العماال

    بششش ليش حاطيين صفنا اخر الدنيا و بروحنا يعني

    اسعدني وجودج

    ردحذف
  23. نازك المطيري :

    حدهاا معقدة امبييه خخخخ

    انشالله عاد لان بهدلتنا على هالقوانين

    انشالله .. اجمعين يارب

    ردحذف
  24. malak :

    ايي والله .. في بنات مراضه و يداوموون

    لان عندنا ابلات يعني ماشالله عليهم حتى لو تيبين لها عذر طبي

    تقولج ما اعيد لج الشرح او ما تاخذين الدرجه او شي

    جنه احنا اللي مرضنا روحنا غصب

    ولا لما تروحين بتدقين يقولون مو لازم مافيج شي

    و انتي شدراااج .. انتي اللي تعبانه ولا انا

    هههه نكبر و نفتك و انتي الصاجة

    حياج بالبلوق

    ردحذف
  25. نهار:

    و عليكم السلام حبيبي

    انشالله يارب

    امين انشالله

    اجمعين

    ردحذف
  26. maram :

    امين انشالله

    تسلمين

    ردحذف
  27. Princess Sara :

    ايي حدها ههه

    من صجج اعد الايام على ما اتخرج

    بس اقص على نفسي اقول سنه يعني ما احسب هالسنه خخخ

    امين انشالله

    مرورج اسعدني

    ردحذف
  28. صبااااح الخير يا قمر
    كيفك؟الله يوفقك يااارب و يسهل امرك
    تعالي زوريني هنا
    انتِ مطلوبه امنيا :d
    http://bent-almaghreb.blogspot.com/2010/10/x.html
    تحياتي لك اختي ^_^

    ردحذف
  29. بيييييييييييييييييه ايام الدراسة سخباري

    الله يسر امرج و تفتكين مثل ما فتكينا

    ردحذف
  30. وي شالقوانين الصارمة p;
    الله يعينكم بس اهم شي المريول سادة لووول

    ويمكن اشاعة سالفة ولي الأمر!

    ردحذف
  31. الله يوفقج يا حياتي و تتحقق كل أحلامج وتدشين أحسن الجامعات

    أمبيه مو صج هذي!!!

    الصراحة أفحمتني

    - التراجي فتحه وحده و يكونون صغار يا ذهبي يا فضي

    يا سلاااام؟؟ وإهيا شكو حرية شخصية ليكون داشين التجنيد وله الوحده بتصيير من المغاويير على هالقوانين

    يا ربي ييسر أمورج وتفتكين من هالغثى

    ردحذف
  32. ههههههههههههه

    كتكوته واضح انك طالبه شقيه

    دمك زي السكر يا حبيبتي

    بس يلا قوليلي معني الكلام ده عشان انا مصريه ومش عارفه معناه


    النفانيف- التراجي- عناقيص


    على فكره مدونتك ظريفه وانتي عسوله اوي

    شدي حيلك وعايزين مجموع كويس

    كلمه في ودنك ( لما تعرفي سبب كره الناظره للرجاله قوليلي )

    تقبلي ودي وحبي

    ردحذف
  33. حلووووووووهاوووووووووى مدونتك ياقلبى

    والموضوع اجمل

    طبعا احنا عزرينك

    ربنا يوفقك يارب

    اشكرك على الزيارة

    تحياتى

    ردحذف
  34. السلام عليكم ورحمة الله وبركاته ..

    الله المستعان .. هذه هي القوانين ولابد من احترامها أيا كان الأمر. .. تحياتي لك أختي في الله وكان الله في عونك .. اللهم آمين

    ردحذف
  35. سعدت بتشريفك لي أختي في الله والله يعينكم .. بكره تفرج إن شاء الله تحياتي لك

    ردحذف
  36. سفيرة المحبة :

    مشكوره عزيزتي

    خخخ حاضر ما طلبي شي

    منوره

    ردحذف
  37. ناعمة الهمس :

    انشالله امين

    اسعدني تواجدج

    ردحذف
  38. BookMark :

    ايي حدا شدعوا عليها

    لا مو اشاعة .. سالفة صجية

    و اهيا مادري شفيها ذاك اليوم قاطه كلام على بنات ١١ و ١٢

    مادري شمسوين لها احنا

    ردحذف
  39. Slashy :

    انشالله امين .. ربي يسمع منج

    هههه نفس كلامنا والله مو من صجها

    صج جنه داشين تجنيد

    مشكوره على مرورج قلبي

    ردحذف
  40. Dr / walaa salah :

    تسلمين عزيزتي اخجلتيني

    تراجي >> حلق

    نفانيف >>فساتين

    عناقيص >> لما تربطي شعرك على شكل ذيل حصان

    سووري عالشرح

    من ذوقج تسلميين

    انشالله النتيجة حلوه

    خخخ جاري البحث .. ما طلبتي شي

    اسعدني مرورج

    ردحذف
  41. جايدا العزيزي :

    من ذوقج حبيبتي

    انشالله يارب و يوفق الجميع

    العفو ما سويت شي

    حياج الله

    ردحذف
  42. السلطانة :

    و عليكم السلام و الرحمة

    نعم ماذا نستطيع ان نفعل غير ذلك

    شكراً على مرورك

    اسعدني تواجدك

    ردحذف
  43. أم الاندلس الحبيب :

    و انا اسعد

    انشالله باذن الله

    شكراً لمرورك

    ردحذف
  44. أقدر أقولج من ألحي وأبشرج
    أنه ناظرتكم مينونة رسمي
    وبصراحة قوانينها تتصف بالسخافة ومجرد الرغبة بالاحساس بالسيطرة و القوة الله يعينها على مرضها

    موفقة حبيبتي و إن شاء الله تيبين النسبة اللي تسر خاطرج وترفعين راس أهلج ^_^

    ردحذف
  45. الله يوفقك يارب وبالجد والإجتهاد يجي المجموع
    ومعانات المدارس والتسلط من المديرة والمدرسات
    موجودة في كل بلد ونفس المعاناة إلي عندنا وبناتي
    يصدعوا راسي من كثر الشكاوي.
    دمتي بخير..

    ردحذف
  46. خاتون :

    لوووووووول شكله جذي

    هذا اللي احنا نقوله .. ان بتثبت وجودها على كل شي خخخ

    تسلمين حبيبتي و مشكوره على المرور

    منوره

    ردحذف
  47. زهرة اللوتس :

    تسلمين يالغالية

    الله يعينج

    دام عزج حبيبتي

    يسعدني تواجدج

    ردحذف
  48. عندي سؤال واحد ليش الحجاب داخل الفصل ؟
    رغم اننا ما نطلع الا بعبايات و غطاللوجة الا ان علاقتنا بالعباية تنتهي بمجرد ما ندخل بوابة المدرسة
    و الجواتي -الله يكرمك- محد له دخل فيها هي الوحدة بتفهم و تستوعب براسها والا بجوتيها !!!

    ردحذف
  49. سعودية زهقانة :

    احنا العباية اخيار شخصي اذا البنت تبي تلبسه خارج المدرسة

    بس الحجاب صار قرار من الناظرة الجديدة .. سببه غير معروف p:

    و ع الجواتي مادري عنها .. يمكن تخاف لي لبسنا جواتي الرياضة -تكرمين- نتشبه بالشباب xD

    منوره .. اتمني ما تكون اخر زياره لج

    ردحذف