27.1.11

SMILE :)





مادري شقد اخطيت بدنيتي 



بس بمحبتك تأكد ما أخطيت 



مهما بدر منك و مهما بدر مني 



للأيام الحلوة ما نسيت



كيف اعبر لك عن شعوري



كيف اخط لك شجوني 



و بسهم بقلبي رميت 



نزفت من الحب اهات 



و نزفت حزن و آلام 



بس عمري ما هقيت 



بسبب وحدة عني تخليت



ما أنكر .. نعم خنتك 



بس انت بالمثل جازيت



و بعدها تغيرت 



مو بس عشانك و لا عشاني 



عشان نقدر نعيش احنا الاثنين 



صحيح .. مافي شي يمحي اللي فات 



مهما مرت الأيام 



و مهما طال الزمان  



الايام الحلوة ياية 



و انشاءالله بتعوض 



انصدم بيوم كلمتك



سألتك تحب غيري 



بكل برود ترد .. اي 



و اغرق انا ببحر الصدمة 



لا بكاء بالاول 



ولا صياح و لا نواح 



فقط ادماان بالام 



هذا اللي احتواني 



احساس باني انتهيت 



لكن بالطبع مو هذي النهاية 



فقط بداية للألم اكتسيت



دامه منك ما أرده 



كل شي منك أتقبله 



دام شوفتك لي تعبان ترضيك 



دام شوفتك لي هلكان تعجبك



ببقى جذي عشان رسمة شفاتك 



لا تكدر و لا تزعل 



هذا قسمة و نصيب



يوم لك .. يوم عليك 



بس عمري ما تخيلتك 



تكون علي كذا قاسي



آه يا زمن 



مرت أيام غيرتينا 



من ساعات و لحظات ما نتفارق 



صرنا نتهرب لي شفتينا 




بس مهما رحنا و يينا كنتي تصيدينا




شعوري له ما اختلف 




و ايام تمر 




على حبه اصحى 




و على حبه امسيت




20.1.11

منوعات


ما بغينا نفتك من الامتحاناات 

راحة نفسية 

لا ضغط .. لا محاتاة .. نوووم نوووم .. الله يرضا ٣ تيام ما انام الا ساعة او بالكثير ساعتين 

كل هذا عشان مابي يطوفني شي  و اييني بالامتحان 


بس الحمدالله كانوا سهلين 


الا امتحان الرياضيات 

كل شي بصوب و امتحان الرياضيات صووب

سؤال : لــــــــــيييــــــــــــــــــش ؟! 

مسوين لكم شي  .. بايقين منكم  .. طاقينكم ؟؟ 

حراام عليكم .. أسئلة صعبة مادري من وين يايبيينها 

ما تبونا نتخرج ؟؟ ما تبونا ندش جامعات ؟؟ شالسالفة ليش كل هذا ؟

عندي امتحان مؤجل (جيولوجيا) انشاءالله خيره 

و الشهاده .. انشاءالله خير بس من الرياضيات نقول .. الله يستر

ــــــــــــــــــــــــــ

اول شي أشكر صاحب السمو الشيخ صباح على المكرمة الاميرية 

عسى الله يحفظه و يبقى لنا ذخر

انا بصراحة مادري شبسوي فيها 

للحيين ما خططت 

انتوا شحاطين ببالكم تسوون ؟! 

ـــــــــــــــــــــــ


و طبعاً لاني ما كنت متواجده بالبلوق فترة الامتحانات فلازم نذكر



الذكرى الخامسة لوفاة أمير القلوب .. الشيخ جابر الله يرحمه اللي صادف يوم السبت 15/1 

فعلاً اهو ابونا كلنا .. و قلبه شالنا كلنا .. و بوفاته فقدنا واحد من اعظم الرجال و اللي له مكانة كبيرة بقلوبنا كلنا اكيد

عسى الله يرحمه و يغمد روحة الجنة يارب 

ــــــــــــــــــــــ


و بالأخير 

عطلة سعيدة للكل 



4.1.11

المنتخب .. الى كاس آسيا

فهد العنزي الى الهلال بمليوني دولار

خبركم عتيج ..

ما اتفقوا على العرض .. مادري شصار بالضبط بس ان ما اتفقوا

الخبر طبعاً من مدير اعماله .. حصلت الفرصة اني استفسر عن جم شغله معاه



فهد العنزي راح يبقى بالكويت .. يلعب بنادي كاظمة

بعدها على قولته بتصير "مفاجـأة الموسم " و بيلعب بأحد النوادي الكبار بالكويت

ما حدد اي نادي

بعدها انشاءالله بروح " ابطال اوروبا"

موفق العنزي .. تستاهل كل خير

.
.
.

يفاجئني شلون ناس تصير ويهين

اليوم مثلاً بالمطار .. بعض من اخوانا الخليج 3 بالتحديد من دولة وحدة ماني ذاكرتها

شافوا لاعبين المنتخب .. و قعدوا يتكلمون .. هذيل مال تجيبلهم طابة هني يلعبون ..

شوف هذا .. طالع هذاك .. و كلام لا يودي ولا اييب

و لما راحوا يتكلمون مع اللاعبين .. تغير حجيهم 180 درجة

ايي ماشالله عليك انت صانع اقوال .. خوش لاعب بصراحة

اصلاً انت تشوت و تقوّل ما تحتاج تشوف

اذكر ربك اقول .. الله يحفظ عيالنا من الحساد

.
.
.

سؤال يعني احنا خليج و اخوان .. ليش الحقد و الحسد

قولوا زعلانين ما فازوا .. ما عليه .. ليش تبين شي و انتوا من شوي كلامكم غير @@

.
.

كانوا هناك طبعاً تلفزيون الوطن و الراي

.
.

صورت لكم جم صورة من هناك















و بالاخير نتمنى التوفيق من الله سبحانه

عسى الله يوفق منتخبنا و يفوزون بكاس آسيا يارب

كلنا وياكم يالازرق


1.1.11

2011




كل عام و انتوا بألف خير

عساها سنة خير و سعادة عليكم يارب

.
.
.
.

الاسبوع الياي من ٩\١ نبلش امتحانات الفاينل

فراح اغيب فترة اسبوعين تقريباً و اطل عليكم كل نهاية اسبوع

من بلشنا مدارس هذي حالتنا xD

ع العموم

Happy New Year

w Best Wishes To All of You

.
.
.

Katkoota xD