14.4.11

اليوم غير عن كل الايام



هاليوم مو مثل كل يوم 

هاليوم غير عن كل الايام 

باللحظة بالثانية بالدقيقة و حتى بالساعات 

بنفس هاليوم تلاقت الارواح 

و غيرت لنا دنيانا 

تذكر هاليوم ؟!

كل ما فيني تغير

علمتني احب ..

علمتني الخوف .. 

لا ابد مو منك .. 

بس من كل اللي حواليك 

من كل شي صوبك يأذيك 

حتى من نفسي خفت عليك 

علمتني شلون اعيش

هاليوم .. 

على كثر ما اوصف ماقدر اعبر لك عن شعوري

يوم عرفتك .. 

يوم اسرت كياني 

تذكر ؟!

تذكر لمن كنا ننطر الوقت يمر 

و عقارب الساعة تعاند 

و يوم تنلاقى يمر الوقت مثل البرق

تذكر يوم شفتك 

و تلاقت عيني بعينك 

تذكر يوم اعترفت لي بحبك !

و يوم انا اعترفت لك بحبي !

ياهي من ايام .. 

ما تنسي مولية 

اقول لك شي 

بس امانة تخليها سر بيني و بينك 

اغلييك و اغلييك و اغلييك فوق ما تصور

و احبك و احبك و بتم احبك 

مو ليوم او شهر بس طول الدهر

و شوقي لك كل يوم عن يوم يزيد 

و تأكد ان ما بينتهي كثر ما يطول العمر 


هناك 10 تعليقات:

  1. يااارب تدوم المحبه كتكووووته

    كلمات طالعه من قلب وفيها احساسج

    يعطيج الف الف عافيه حبييبتي

    ردحذف
  2. Unique Girl :

    الله يعافيج و يخليج حبيبتي

    تسلمين

    :**

    ردحذف
  3. حسيت من اعماق اعماق قلبج كتبتي
    بس حتى لو كتبتي مايوصف شعورج
    خخخ اتفلسف هههه

    بس حسيتها حلوه و بسيطه واايد

    موفقه ان شاء الله

    ردحذف
  4. daloo3a :

    تسلمين حبيبتي

    خخخ عادي حلالج
    تفلسفي على كيف كيفج

    تسلمين من ذوقج

    أجمعين يا رب

    ردحذف
  5. 7abeeeeeeeeeeeebtiii katkoookta wallah 6ila3tay mu haynaaa eslobich bil kitaba o eshlon et3abreeeen 3ajeeb mashallaah;** allah ewafgich 7ayati;*

    ردحذف
  6. Gold Medal Ribbon :

    hehe :$

    a7rjteeni b 9ara7a

    tslmeen mn tho8ich 7yati

    allah ywafeg eljmee3 enshallah ;**

    ردحذف
  7. روعه انتي كل شي تكتبينه اينن

    للمره المليون ارد و ازيد و اقول جان زين لو انا اكتب جذي

    لول

    ردحذف
  8. Slashy :

    حبييبتي تسلميين

    من ذوقج حيااتي

    ان شاء الله تكتبيين جذي و احسن بعد

    بس يبييلها مزااج مراات خخخ

    نورتي

    ردحذف
  9. الله يديم المحبه ويزيدها في حياتج :)

    ردحذف
  10. Fishah :

    تسلمين حبيبتي

    أجمعين ان شاء الله

    اسعدني تعليقج

    منورة

    ردحذف