4.1.11

المنتخب .. الى كاس آسيا

فهد العنزي الى الهلال بمليوني دولار

خبركم عتيج ..

ما اتفقوا على العرض .. مادري شصار بالضبط بس ان ما اتفقوا

الخبر طبعاً من مدير اعماله .. حصلت الفرصة اني استفسر عن جم شغله معاه



فهد العنزي راح يبقى بالكويت .. يلعب بنادي كاظمة

بعدها على قولته بتصير "مفاجـأة الموسم " و بيلعب بأحد النوادي الكبار بالكويت

ما حدد اي نادي

بعدها انشاءالله بروح " ابطال اوروبا"

موفق العنزي .. تستاهل كل خير

.
.
.

يفاجئني شلون ناس تصير ويهين

اليوم مثلاً بالمطار .. بعض من اخوانا الخليج 3 بالتحديد من دولة وحدة ماني ذاكرتها

شافوا لاعبين المنتخب .. و قعدوا يتكلمون .. هذيل مال تجيبلهم طابة هني يلعبون ..

شوف هذا .. طالع هذاك .. و كلام لا يودي ولا اييب

و لما راحوا يتكلمون مع اللاعبين .. تغير حجيهم 180 درجة

ايي ماشالله عليك انت صانع اقوال .. خوش لاعب بصراحة

اصلاً انت تشوت و تقوّل ما تحتاج تشوف

اذكر ربك اقول .. الله يحفظ عيالنا من الحساد

.
.
.

سؤال يعني احنا خليج و اخوان .. ليش الحقد و الحسد

قولوا زعلانين ما فازوا .. ما عليه .. ليش تبين شي و انتوا من شوي كلامكم غير @@

.
.

كانوا هناك طبعاً تلفزيون الوطن و الراي

.
.

صورت لكم جم صورة من هناك















و بالاخير نتمنى التوفيق من الله سبحانه

عسى الله يوفق منتخبنا و يفوزون بكاس آسيا يارب

كلنا وياكم يالازرق


هناك 18 تعليقًا:

  1. مافهمت كلامج منو زعلان ؟؟؟

    والعنزي يستاهل احسن الاندية تاخذه حاصل لنا لاعب نفسه ؟

    ردحذف
  2. بالتوفيييييييييييييييق يااااارب ان شاء الله

    ردحذف
  3. MUU MIN9IJHUM!!!!
    il7imdillah wel shiker!!

    ma hamoni khal egoloon eli egolona ..

    ilmoohum allah ewafig la3beena o mntakhbnaaaa ;***

    ردحذف
  4. طموحة مملوحة :

    اللي صايرين ويهين .. بقلبهم شي و لما يكلمون اللاعبين شي ثاني

    ايي والله .. الله يوفقه

    ردحذف
  5. Bint ilKuwait :

    7daa mu mn 9jhoum :S

    hatha ohwa bs y3ni dam ttklm chthi leesh raye7 tslm w trf3 :S

    ameen ya rab .. w yrdoon 7amleen elkaas enshallah

    ردحذف
  6. وييييه شكثر هالنماذج ترا بالرياضة بالجامعة بالبيت بالسوق بالدوام بكل مكان مع الاسف

    ردحذف
  7. مشكوره ع التغطيه..

    ولله يوفق منتخبنا يارب..

    ردحذف
  8. طموحة مملوحة :

    و انتي الصاجة

    ياليت هالشي يوقف

    ردحذف
  9. رورو الشخبوطة :

    العفو .. افا عليج ما سوينا شي

    امين يارب

    ردحذف
  10. يارب يوفقهم وينصرهم يارب
    ويردون بالكاس
    امين يارب
    وثانكيو وايد

    ردحذف
  11. الله يوفقهم يارب :)

    ردحذف
  12. خسر المنتخب اليوم :((

    ردحذف
  13. candy cotton :

    يارب بالمباريات الياية انشالله

    حياج

    ردحذف
  14. why me :

    ما عليه يعوضونها انشاءالله

    ردحذف
  15. Made n Q8 :

    امين رب العالمين

    ردحذف