12.9.10

Harry Potter / The American




فيلم هاري بوتر من أشهر الافلام .. و حاز على اعجاب فئة كبيرة من الناس من مختلف الأعمار

سيعرض آخر سلسلة من أفلام هاري بوتر على جزئين
November 2010 الاول بــ :

July 2011 و الثاني بــ:

3Dو الحلو ان موجود بتقنية الـ





________________________



اليوم رحت شفت فيلم

The American

الفيلم من بطولة :

George Clooney
و

Irina Bicklund

للمخرج :

ِAnton Corbijin

مدة الفيلم :

105 Min

قصته :

جورج كلوني قاتل مأجور يشتغل عند واحد اسمه جاك .. تنتهي مهمته بالسويد بطريقة غير متوقعة .. و يسافر مكان ثاني و يحب وحدة هناك و يقرر انه يكون اخر مهمه له انه يلتقي بوحدة و يعطيها سلاح و اهوا ما يدري انها من عملاء جاك .. وظفها عشان تذبح جورج اللي اهوا ادوارد بالفيلم

رايي بالفيلم :

بصراحة انا ما عجبني و القصة احسها حدها مالها داعي من اول الفيلم ليي اخره كله ذبح .. تعودت على جورج كلوني تكون أفلامه مميزه و حلوه بس مادري ليش اختار هالفيلم و النهاية حدها بايخة بعد

تقييم الفيلم :

3/10

هناك 28 تعليقًا:

  1. يعطييييج الف الف عافيه

    عيل على 3 - 10 ماني رايحتله ابد لوول احس انج حاطه ال3 عشانهم كاسرين خاطرج

    الله يعين مرات اروح فلم واتحسف اني فكرت فيه اصلاً

    مشكوووره على البوست الحلو

    ردحذف
  2. انا رحت له فيلم اب ذا اير شي جذي اسمه وماعجبني :\

    هذا بالنسبه لكلوني..

    اما هاري بورتر مايشدني اتابعه مع انه اجزائه الاول كنت بالتعش بس مارحت له :\

    ومشكوره ..

    ردحذف
  3. هاري بوتر عجبني الأول حيل
    والثاني يعني
    ومن الثالث بدا يصير مليق
    بس اتدبست ولازم اشوف آخر جزء وارتاح :/

    ناطرين شهر 11 عيل :)

    ردحذف
  4. يعطييج العافيه كتكوته :)

    عن نفسي ماحبيت هاري بورتر بس كنت اشوف منه لقطات وطبعا مايبلاا عارفه القصه من الشهرره اللي خذاها

    وووي يعني ماتمدحينه .. انا بخااطري فلم جوليا روبرتس عجبني اعلااانه .. انطره ينزززل :p

    ردحذف
  5. اهي افلام جورج كلوني مو حلوه وأغلبها بايخة :)

    عموما ً عليج بالعافية

    ردحذف
  6. أنامن عشاق الأفلام العربية والأجنبية والهندية
    ومن متابعي سلسلة أفلام هاري بوتر كلها
    ومتابعة كل جديد في الأفلام.
    كل عام وإنت بخير ومن العايدين .

    ردحذف
  7. Unique Girl :

    الله يعافيج حبيبتي

    لوووول الفيلم يمشي حاله

    و حلو اذا الواحد دايخ و يبي ينام

    بس اذا تبين تندمجين و تطالعين ما انصج

    من كثر ما الفيلم يملل .. لمن مات اخر شي الكل قام يضحك

    ما صدقوا انه خلص

    ردحذف
  8. رورو شخبوطه :

    هذا انا ما شفته بس يقولون كله كلام

    يعني اللي يحب يسمع زين له بس اللي يمل ما ينفع

    هاري بوتر انا يعجبني لاني شفته من كنت صغيره و احب الخيال

    العفو ^.^

    ردحذف
  9. Book Mark :

    لووووول .. بعد تعودنا

    لازم نكمل و نشوف شنو اخر القصة

    ردحذف
  10. AsMa-Kw :

    الله يعافيج حبيبتي

    بس شكله اخر جزئين حلوين

    ايي حداا ما امدحه لانه صج بايخ

    ايي شكله حداا عجييب حتى انا ناطرته

    ردحذف
  11. Engineer A :

    مادري.. انا اللي شفته من افلامه كانوا حلوين

    هذا اللي صج قاعد اشوف اقول بااااااايخ

    الله يعافيج

    ردحذف
  12. زهرة اللوتس :

    عيل اكييد ناطره ينزل الفيلم

    سعيده ان كان خبر حلو لج

    و انتي بخير و صحه و سلامة

    ردحذف
  13. كان في بالي اروح فيلم كلوني

    بس الحين هونت

    :)

    سعيد لاكتشاف مدونتك

    :)

    ردحذف
  14. ههه .. عاد يمكن رايي يختلف عن رايك

    بس والله حسيت الفيلم ماله معنى كلش

    و انا أسعد

    الشرف لي :)

    ردحذف
  15. ولا مرة شفت هاري بوتر ولا مرة شدني كنت احس انه حق سن التين ايجر بس توني شفت المقطع اليوتيوب وشدني صراحه ان شاء الله اروحله اول ما ينزل

    وبالنسبه لجورج كلوني ووااايد ما مدحوا الفيلم ..

    يعطيج العافيه

    ردحذف
  16. cheese 7cake :

    عيل شوفي الاجزاء كلها و بعدين دشي السينما عشان تكونين عارفه الموضوع كله

    xD

    و عن جورج كلوني .. زين عيل مو بس انا

    الله يعافيج

    ردحذف
  17. مادري ليش دم ضروسي افلام هاري بوتر -.-
    فلم جورج كلوني امس شفت دعايته و قلت حق امي عنه تمووت عليه تحن تبي تروحله p;

    ردحذف
  18. koko :

    ويي ليش .. عاد انا احبه خخخ

    خلاص عيل شوفيه و لا تنسين تعطينا رايج فيه

    xD

    ردحذف
  19. صح كلامج الممثل حلو وأحبه
    بس فيلمه كان عادي والقصصه مكرره
    تسلمين

    ردحذف
  20. السلام عليكم
    تدرين هاري بوتر شفت أول جزء من زمان وأحاول أستوعب مو قادرة!
    هالفيلم حاطة X كبير عليه صج ويع ما أحب هالنوعية جنه لورد اوف ذا رنغز.
    الفيلم الثاني ينبلع عادي وخل أقول لأختي عنه لأنها تحب الممثل بس ماتدري عن أفلامه خخخ

    ردحذف
  21. هاري بوتر اتذكر ان اول جزء حضرتة بالسينما ..

    امممممم تقريبا انا مو من رواد السينما وااايد ..

    يعني بالشهر مرة ومرات هم ما اروح .. فعشان جذي مو متابعه للي ينزل

    ^_^ قواج الله

    ردحذف
  22. mazyona :

    االله يسلمج

    نورتي

    ردحذف
  23. Hanan :

    و عليكم السلام .. يا هلا

    لورد اوف ذا رنغز انا ما حبيته

    بس هاري بوتر حبييته حييل

    لوول الفيلم الثاني حسيته ماله داعي و مكرر ف ما عجبني ذاك الزود

    ردحذف
  24. فدك المطيري :

    عيل يبيلج تشوفينه

    و خاصة اخر جزء شكله بصير فيه حدث

    بفاجئنا كلناا

    الله يقويج حبيبتي

    اسعدني مرورج

    ردحذف
  25. بصراحه انا وايد احب هاري بوتر

    مع ان هم في وايد ناس ما تواطنه

    بصراحة سلسلة افلام ناجحة جدا

    ردحذف
  26. Ducati :

    صح تعرض الفيلم للنقد من قبل ناس ما يحبونه

    بس بالنسبه لي انا بعد احبه و اشوف ان له معجبين وايد

    و ناجحه بالفعل مثل ما انت قلت

    اسعدني وجودك

    ردحذف
  27. أنا ناطره هالهاري بوتر يخلص آخر جزء و نفتك منه ياني ما أواطن لا الكتب ولا أفلامه

    و جورج كلوني قام يخورها شوي
    عاد شكلي بشوفه أنا أحب الأفلام العنييفه لووول

    بس إذا القصه ما تسوى عيل طاااف حده

    ردحذف
  28. Slashy :

    خخخ انا الكتب ما حبيتهم بس الافلام يعجبوني

    ايي والله مادري ليش قاعد يخورها اخر الافلام هه

    اسعدني تواجدج

    ردحذف