9.8.10

آآآآآآخ يا دنيا


تقول اني طعنتك طعنة عيال الحرام

تقول كل اللي احبه الحقد و الانتقام

تقول اني خنتك ما بقى شي نتكلم فيه

عيل شنو اللي انته سويته مجرد تسليه او ترفيه


يا اخي حرام عليك ضيعنا سنين بالحب

اذا انت ما تبيني او كانت نيتك لعب

مو كان الفراق ارحم من دون ارهاق(الم) او تعب


كل اللي سويناه زاد الالم آلام

و الجروح زادت و من الجروح ما انام

يكفي اللي صار ما بعد بينا كلام


قول لي شنو فادنا الخصام

شنو فادنا التجريح و تنهيش العظام

يكفي ما جرى والله يكفي ما عاد فيني مكان

اتحمل الشقا و الحسره و الندم


طلبتك قولي شالنظام

ليش نعيش بهالظلام

ما تبيني قول تكلم

بس خل بينا شوية احترام

لا تنسى اللي كان بينا عشره

و العشره ما تهون الا على عيال الحرام



هناك 14 تعليقًا:

  1. الخيانة صايرة موضة عن د الناس هالأيام..مالنا غير ننطر متى يصير الإخلاص موضة

    ردحذف
  2. الله و أكبر .. الختام شي ولا أروع ..

    فعلًا العشره ما تهون الا على عيال الحرام .. صدقتي و صدق لسانك يا أختي ..

    كلماتك رائعه جدًا عزيزتي .. فعلًا حتى لو ماكان هناك نقاش بين العاشق والعشيق .. ولكن لابد أن يكون فيه إحترام

    شكرًا لك

    شكرًا لقلمك

    شكرًا لأنامك التي نقشت حروف من ذهب

    تقبّلي ودي و تقديري الشديد

    دمتي لي بألف خير

    ردحذف
  3. ام حروبي :

    ما عليه

    في ناس وايد مخلصين بس بهالايام قلة ما تلاقين

    يسعدني تواجدج في مدونتي

    تحياتي

    ردحذف
  4. ووااو يا ليت اقدر اكتب خواطر زي كذا

    مرررة نايس

    ردحذف
  5. Al Pacino :

    تسلم ما قصرت

    الاحترام مفروض يكون شي متبادل

    بين الكل ,, و خاصة العشاق بعد الانفصال

    لازم يفكرون باللي طاف

    شنو كل واحد عطى الثاني

    تعليقاتك دائماً تفرحني

    كن بخير

    تحياتي

    ردحذف
  6. hannunie :

    مشكوره من ذوقج

    و تقدرين تكتبين جذي و احسن

    فكري بخيالج و كتبي الواقع اللي تشوفينه

    تحياتي

    ردحذف
  7. للاسف الناس ما قامت تقدر فيمة الحب بهذي الايام
    خاطره جميله جدا تحكي واقع تعيشه الملايين من الفتيات ..
    تسلم ايدج :)
    مدونه جميله

    ردحذف
  8. واااااااو اصفقلج من كل قلبي على هالكلام القوي الطالع من القلب لي القلب

    عشان جذيه لازم الواحد يفكر بالأشياء الحلوه ويقارنها بالسلبيه قبل لا يتكلم وبعدها راح ينحل كل شي بإذن الله

    مشكوووووووووووره على هالكتابه المبدعه

    ردحذف
  9. كـل مـن قرى كـلام حـبـيـبـي صـف معـاه
    انـت عودتـني عالالـم و الـ ( آه )
    لا تلعب دور المظلوم و تقول حبيبي وش جاه
    انت نسـيت وفـى حبيبك و نسـيت كـل شـي سـواه
    هذا هو ابن الحرام و نعالي [ حشاكم ] يسواه



    كلمات تزاحمت في قلبي و اردت كتابتها لا أكثر
    و على كل ابداع × ابداع واصلي يالغاليه

    ردحذف
  10. HaCkErZy ..!! :

    دام قلمك .. حروفك رتلت معاني الخيانة

    و ان جرح الخيانة لا يلتأم بل يؤلم كل ما اخذ العاشق نفساً

    شكراً لتعليقك

    كن بخير

    ردحذف
  11. رورو شخبوطة :

    من ذوقج الطيب ما تقصرين

    اسعدني تواجدج

    ردحذف
  12. Being One* :

    صح كلامج ,,

    و انا ظنتي ان الناس فهموا مفهوم الحب بنظره ساذجه

    نظراً لتجارب اللي قبلهم و الناس و المجتمع

    بدون ما اهوا بنفسه يختبر الشعور

    فهذا اللي يخلييه يغلط

    دام تواجدك في مدونتي

    ردحذف
  13. Unique Girl :

    احرجتيني بكلامج الصراحة

    و صح لسانج

    الواحد مفروض يقارن الايجابيات بالسلبيات

    قبل التسرع بالحكم و الفعل

    و هذا التسرع قد يأتي بنتائج سلبية

    تهدم العلاقة بدلاً من ان ترممها و تبنيها

    وجوودك يفرحني

    دام حبك للقلم

    ردحذف