6.8.10

رحـلـة فـي القـلـوب


الإيد الوحده ماتصفق دووم نسمع هالكلمه

واليوم أجتمعت ايدين لكتابة موضوع واحد أشتركت ايدين ليكتبون لكم وياخذون آرائكم

طبعاً كتبنا قصتين محاولة لارضاء جميع الاذواق .. قسمناهم في المدونتين
أتمنى أن يعجبكم الي كتبناه

أشتركتا في هذا البوست :
ملاحظه : القصص من كتابة
والخاطره مشتركه




السبت

٣١ يوليو .١. ٢

الساعة العاشره


الام : ألوو .. هلا حبيبتي


فجر : هلا حبيبتي يما ما عليج أمر ابي امر رفيجتي

باخذ منها كتاب محتاجته حق مادة مسجله فيها الكورس الياي بالجامعه


الام : اوكي الله يحفظج يماا .. بس لا تتأخرين


فجر : انشالله من عيوني يالغالية


بعد ما تغلق الخط من والدتها ,, تتصل فجر بحبيبها لتراه و تأخذ الكتاب منه

ففي الحقيقة كذبت فجر على أمها فالكتاب ملك لحبيبها جراح لاا لصديقتها


جرااح : هلا والله .. هلا بالحب .. هلا بالزيين كله


فجر : (بعد احمرار وجنتيها من الخجل) وااي جرااح عن التحرش


جرااح : (يضحك ) فدييت اللي يستحون ,, خلصتي امتحانج حياتي ؟!


فجر : اي حبيبي خلصت توني طالعة من الكلية .. على موعدنا صح كوستا البدع


جراح : ايي يلا ناطرج حياتي


أغلقا الخط .. و بعد وصولها الى المكان الموعود


جرااح : هلا بحبيبتي .. شنو تبين تشربين ؟!


فجر : مابي شي حياتي ما راح اطول


جرااح : حتى لو لازم تشربين شي يلا قولي شتبين اطلب لج


فجر : ( بعد الحاح جراح عليها ) خلاص حياتي اطلب لي .. ممم .. موكا


جلسا قليلاً و تحدثا هو عن المشروع الَّذي يعمل عليه لتخرجه

و هي عن اقتراب اختباراتها و خوفها من نزول معدلها


فجر : يلا حبيبي .. قعدتك ما تنمل بس لازم ارد البيت وايد تأخرت


جرااح : انزين امشي معاي اعطيج الكتاب حاطه بالسياره


فجر : (بعد أخذ الكتاب و ركوبها السياره ) مشكور حبيبي ما قصرت


جرااح : ديري بالج عاد بالطريج انا الحين اول ما اركب السيارة ادق عليج عشان اتطمن لين توصلين بيتكم


فجر : انشالله حبيبي


سوالف فجر و جراح لا تنتهي فهم مغرمين ببعضهم البعض


فجر : يلا حبيبي انا وصلت داري .. اخليك الحين عشان ابدل و انزل اقعد مع امي ننطر اخواني على ما ايون عشان نتغدى اوكي حياتي


جرااح : اوكي قلبي


فجر : يلا عيل باي حبيبي اكلمك بالليل


جرااح : باي قلبي .. (قبل ان تغلق الخط بلحظات) لحظه لحظه


فجر : آمر .. سم حبيبي .. خرعتني عليك شفييك


جرااح : فديتج .. سمالله عليج من الخرعه .. أحببج فجوور احببج


فجر : ( تضحك خجلاً) انا بعد أحبك حبيبي .. مالي غنا عنك


انتهت المكالمة


الساعة الرابعة


تتوجه فجر لغرفتها فترى رقماً غريباً يتصل


فجر : الوو


فاذا بصوت فتاة يرد عليها : هلا


فجر : هلا اختي من بغيتي


و اذا بالفتاة ترد بوقاحة : هذا رقم فجر صح


فجر : ايي نعم .. عفواً منو معاي


الفتاة : انا اسمي شوق و بغيت اشوفج لو سمحتي

عندي كلام لازم اقولج اياه ضروري و اليوم ما اقدر ااخره


فجر : عفواً اختي لا تفهميني غلط بس ما عرفتج


شوق : انتي مو فجر اللي رئيسة نادي الانشطه الاجتماعية بكلية الآداب


فجر : ايي نعم صحيح


شوق : ايي ادري بغيتج بموضوع


فجر : اي حاضر بس ممكن اعرف الموضوع عن شنو


شوق : لمن اشوفج بتعرفين


فجر : ايي انشالله خير


اتفقت الفتاتان على المكان على ان يكون ميعادهما بعد ساعة تقريباً


الساعة الخامسة


المكان ستاربكس مشرف


جلست فجر منتظرة شوق و فضول ينتابها لموضوعها

فكانت تتحدث بغموض .. فما الذي تريده هذه الفتاة الغريبة منها


حلت شوق متأخرة بنصف ساعة


شوق : انتي فجر صح


فجر : اي حبيبتي حياج .. ( تقولها بوجه ملأته ابتسامة كعادتها بشوشة و حسنة الوجه ) اول شي شتبين تشربين


شوق : لاا مابي شي ياية بقولج كلمتين و بس


فجر : ترا خرعتيني .. قاعده تتكلمين بألغاز مو فاهمة شي


شوق : سمعي .. ترا انا اكلم جراح و اهوا الحين يحبني و ما يبيج فهمتي فما ابيج تدقين عليه بعد


فجر : لاا انتي اكيد غلطانة جراح حبيبي ما يكلم غيري .. اكيد متخربطة بجراح غيره


شوق: (تضحك استهزاءً بها) انتي من صجج قاعده اقولج يحبني و ما يبيج ما تفهمين .. اذا مو مصدقة هذه المسجاات و هذه صورنا مع بعض شتبين دليل اكثر من جذي بعد


فجر : انتي صج وقحة و ما تستحين شلون لج الجرأة انج تيين و تكلميني جذي بعد كل اللي هذا


تقف فجر مسرعة تأخذ حقيبتها


شوق : يكون بعلمج ترا صارلنا اكثر من ست تشهر رادين حق بعض .. مادري شنو اللي لقا فيج اللي كلمج


لم تلقيها فجر اي اعتبار بل تركتها و سارت الى حيث سيارتها

تسير الطرقات و دموعها تنهمر على خديها لا تصدق ما سمعته آذانها بالرغم من ان الادلة كانت امام اعينها


هدأت قلييلاً فقررت الاتصال بحبيبها جرااح


جرااح : الوو


فجر : جرااح صج الكلاااام .. صج الحجي اللي صاار


جرااح : شفيج حبيبتي صوتج مو عاجبني


فجر : اربع سنين مع بعض آخر شي تبيعني عشان وحده مثل هذه .. اربع سنين يالخاين قطييتها ورا ظهرك.. جراااح تكلم قوول شي صج الحجيي و لا لااا


جرااح :( يرد عليها بعصبية) شنو شفيج قاعده تصارخين


فجر : صج انك تكلم شوق من ست اشهر و تشوفها من ورااي


جرااح : ايي صج .. و دام اهيا فهمتج كل شي ماله داعي الاتصالات و الكلام الزايد.. يلا سلااام


و يغلق الخط في وجه فجر


.
.
.
.
.
.

علقني فيه وبعدها تركني

حببني فيه بعدها قتلني

كسبني بعد طلعت الروح وآخرتها بدَّلني

أسلوبه كلامه صار يغث ومافي صبر يملكني

ودي أفور بويهه وأقوله مثل ما حببتني فيك يالله كرِّهني

حسبتك لي ظهر و سند بس كالعاده خيبت ظنِّي

بكل كلمه يقولها كان يمدحني

و بعدها تغير و دايم صار ينتقدني

يدور اي كلمه ليجرحني

كأنه يقول احساسها ما عاد يهمني

مادري الدنيا تغيرت و لا معاملتك اللي غيرتني

قول حق بنت ابليس اللي عشانها هجرتني

ترا مو انا اللي خسرتك انت اللي خسرتني

عبالك بحركتك هذي كسرتني

ترااك غلطاان حركتك اهي الي قوَّتني

بالساعات اكلمك و بكل دقيقه تقول لي تحبني

و تجيني حبيبتك تقولي تراه يحبني

عباللك حركتك هذه بعثرتني

خلي حركتك هذي توقفك عند حدك مثل ماوقفتني

وقفتني بطولي و باصلك ورتني

الله يعين من حبك .. ما تدري حبك شكثر كان متعبني

عبالك ببعادك بعتني ..

والله ما عاش من يرخصني

هذا دليل انك ولا عمرك عرفتني

الحمدالله اللي عنك ابعدني


هناك 8 تعليقات:

  1. تصفيق حرا جدًا ..

    قصّة رائعة .. قصيدة ولا أروع ..

    أريد فقط أن أقول كلمة واحده .. الرجل في نظري .. هو الذي يكون كل يوم رجل في نظر إمرأة واحدة .. فالرجال الذين يريدون أن يكونوا رجال لكل يوم إمرأة جديدو .. هؤلاء ليسوا برجال ..

    تقبّلي ودي و إحترامي الشديد لك

    دمتي لي بألف خير

    دام قلمكم Katkoota xD
    Unique Girl

    ردحذف
  2. عجبتني ..في ناس بس ما تعرف شو يعني اخلاص وشو يعني وفااا..وحبيت الخاطره وااايد
    بدعتوا ^^

    ردحذف
  3. Al Pacino :

    شكراً لك .. هذا من ذوقك

    و صح كلامك الرجل هو من يهتم بامرأه واحده و يحبها و يقدرها

    تواجدك يسعدني

    كن بخير

    ردحذف
  4. ام حروبي :

    صج كلامج في ناس ما تقدر اللي جدامها

    و ما يوفون لهم .. عبالهم مشاعر الناس لعبة عندهم

    دووم انشالله تعجيج كتاباتنا

    و تسلمين ما قصرتي

    ردحذف
  5. ما شاء الله القصة واااااااااااااااااااااااااو ابداع
    حبيت كل شي فيه

    حسيت كأني أتابع فلم..

    إلى الأمام

    ردحذف
  6. حلو العمل المشترك ماشاءالله ..

    انا قريت بوس يونيك اول بس وحسبالي مثله ماتغير بس انصدمت القصه غير...

    بس حبيت استفسر اهي القصه اجزاء او مرتبطة بعض او كل وحده غير بس نفس الفكره عن الخيانه ؟؟

    والله يعطيكم العافيه يارب..

    ردحذف
  7. hannunie :

    تسملين

    مشكوره وايد

    و انشالله البوستات الياية تعجبج اكثر

    ردحذف
  8. رورو شخبوطة :

    تسملين حبيبتي من ذوقج

    لااا مو اجزاء ولا شي

    بس قلنا دام بنحط قصة و الخاطرة بالمدونتين

    نغير القصة .. نحط قصتين عشان اللي يقراهم ما يمل

    و ان نبين الخيانة انواع تقدر تصير

    الله يخليج لنا و لمدوناتنا

    تحياتي

    ردحذف