منوعات

ما بغينا نفتك من الامتحاناات 

راحة نفسية 

لا ضغط .. لا محاتاة .. نوووم نوووم .. الله يرضا ٣ تيام ما انام الا ساعة او بالكثير ساعتين 

كل هذا عشان مابي يطوفني شي  و اييني بالامتحان 

بس الحمدالله كانوا سهلين 


الا امتحان الرياضيات 

كل شي بصوب و امتحان الرياضيات صووب

سؤال : لــــــــــيييــــــــــــــــــش ؟! 

مسوين لكم شي  .. بايقين منكم  .. طاقينكم ؟؟ 

حراام عليكم .. أسئلة صعبة مادري من وين يايبيينها 

ما تبونا نتخرج ؟؟ ما تبونا ندش جامعات ؟؟ شالسالفة ليش كل هذا ؟

عندي امتحان مؤجل (جيولوجيا) انشاءالله خيره 

و الشهاده .. انشاءالله خير بس من الرياضيات نقول .. الله يستر

ــــــــــــــــــــــــــ

اول شي أشكر صاحب السمو الشيخ صباح على المكرمة الاميرية 

عسى الله يحفظه و يبقى لنا ذخر

انا بصراحة مادري شبسوي فيها 

للحيين ما خططت 

انتوا شحاطين ببالكم تسوون ؟! 

ـــــــــــــــــــــــ

و طبعاً لاني ما كنت متواجده بالبلوق فترة الامتحانات فلازم نذكر

الذكرى الخامسة لوفاة أمير القلوب .. الشيخ جابر الله يرحمه اللي صادف يوم السبت 15/1 

فعلاً اهو ابونا كلنا .. و قلبه شالنا كلنا .. و بوفاته فقدنا واحد من اعظم الرجال و اللي له مكانة كبيرة بقلوبنا كلنا اكيد

عسى الله يرحمه و يغمد روحة الجنة يارب 

ــــــــــــــــــــــ

و بالأخير 

عطلة سعيدة للكل 

المنتخب .. الى كاس آسيا

فهد العنزي الى الهلال بمليوني دولار

خبركم عتيج ..

ما اتفقوا على العرض .. مادري شصار بالضبط بس ان ما اتفقوا

الخبر طبعاً من مدير اعماله .. حصلت الفرصة اني استفسر عن جم شغله معاه

فهد العنزي راح يبقى بالكويت .. يلعب بنادي كاظمة

بعدها على قولته بتصير "مفاجـأة الموسم " و بيلعب بأحد النوادي الكبار بالكويت

ما حدد اي نادي

بعدها انشاءالله بروح " ابطال اوروبا"

موفق العنزي .. تستاهل كل خير

.

.

.

يفاجئني شلون ناس تصير ويهين

اليوم مثلاً بالمطار .. بعض من اخوانا الخليج 3 بالتحديد من دولة وحدة ماني ذاكرتها

شافوا لاعبين المنتخب .. و قعدوا يتكلمون .. هذيل مال تجيبلهم طابة هني يلعبون ..

شوف هذا .. طالع هذاك .. و كلام لا يودي ولا اييب

و لما راحوا يتكلمون مع اللاعبين .. تغير حجيهم 180 درجة

ايي ماشالله عليك انت صانع اقوال .. خوش لاعب بصراحة

اصلاً انت تشوت و تقوّل ما تحتاج تشوف

اذكر ربك اقول .. الله يحفظ عيالنا من الحساد

.

.

.

سؤال يعني احنا خليج و اخوان .. ليش الحقد و الحسد

قولوا زعلانين ما فازوا .. ما عليه .. ليش تبين شي و انتوا من شوي كلامكم غير @@

.

.

كانوا هناك طبعاً تلفزيون الوطن و الراي

.

.

صورت لكم جم صورة من هناك

و بالاخير نتمنى التوفيق من الله سبحانه

عسى الله يوفق منتخبنا و يفوزون بكاس آسيا يارب

كلنا وياكم يالازرق

2011

كل عام و انتوا بألف خير

عساها سنة خير و سعادة عليكم يارب

.

.

.

.

الاسبوع الياي من ٩\١ نبلش امتحانات الفاينل

فراح اغيب فترة اسبوعين تقريباً و اطل عليكم كل نهاية اسبوع

من بلشنا مدارس هذي حالتنا xD

ع العموم

Happy New Year

w Best Wishes To All of You

.

.

.

Katkoota xD

كلام ابيك تذكره

ياللي كنت نبض قلبي و محييه

تجازي وفاه بالخيانة

حطيتك بوسط فؤادي و قفلت عليه

و عاملتك بكل معالم الحب و الشهامة

الاصول و الشهامة الل انت ما تعرفت عليه

فيه تكلمني و دايم تذكره

الاصول يا بو الاصول لا تكلمت فيه

طبقه عليك قبل ما تبلش بالملامة

ركضت ورا كلام الناس و صدقته

ما درى هالانسان ان كلام الناس بيعميه

و عذوره اللي عباله ميته فيه

من تصير وقت الصجية بتمشي و تتركه

ما هقيتك بيوم تمشيك مره

ياللي كنت دايم اكلمك و انصح فيك

صدقني حياتك بدوني مبعثرة

الدليل انك منت متهني

و ادري دايم مشغول بالك فيني

هذا مو جديد بس بالحقيقة مصخرة

محد جبرك تتركني

لكن عقلك الصغير على كلام الناس يمشي

تسمع الكلام بدون ما تحلله

و لا تفكر فيه ولا تسأل عن اللي جرا

ترا ماهي رجوله اللي تفعله

هذا كلامي لك و اللي ابيك تذكره

١٤٣٢هــ

ادري اني متأخرة .. بس حبيت ابارك لكم بالسنة الهجرية اليديدة

و اقولكم كل عام و انتوا بألف خير

كل شي صار بــ١٤٣١ هـ ما عجبكم قطوه بحر

و الحلو ان الواحد يتعلم من اغلاطه و ما يكررها

و السنة اليديدة آمال و طموحات يديده و انشالله الكل يحققها

سنة ١٤٣٢ هـ انشالله سنة خير على الكل يارب

عذروني على التأخير

و

Have a nice weekend all =D

كاس الخليج 2010

الف الف مبروووك فووز منتخبنا بالكاس الــ10 بـــ2010

والله و يستاهلوون الازرق الكويتي

أفضل هداف في البطولة ......... بدر المطوع

أفضل لاعب في البطولة .......... فهد العنزي

أفضل حارس مرمى ............ نواف الخالدي

الف مبروووك تستاهلووون

باااك + واجب/اعترافات

بسم الله الرحمن الرحيم

اول شي I'm Back :P فقدت التدوين

بس شنسوي الظروف اقوى

الامتحانات ابدااااااااااااااااع

درجااات ما تبشر بالخير :'( حاشني اكتئاب مو طبيعي

عفية الحين صارت الدراسه اللي قبال التلفزيون و ضحك و سوالف و اكل

احسن من الدراسه اللي 4 تيام و اكثر لاا و مجابلته عدل لا تلفزيون لا تلفونات لا شي

قهر .. بس شنقول الحمدالله على كل حال .. و انشالله تتعوض

الاسبوع الاول طبعا بس بجي و حالة احباط خخخخ مسكينه انا كسرت خاطر نفسي بهالاسبوع

بس بالويك اند الوالده الله يخليها ما خلتني .. طلعتني و خلتني اغير جو .. و الحمدالله تعدلت النفسية

الاسبوع الثاني كانت النفسيه حلوه و الامتحانات سهله ولا اروع بس عندي امتحان جيولوجيا اجلته كنت خايفه منه

ـــــــــــــــــــــــــــــــــ

الحين نحل الواجب

Awoosha هذا الواجب من

السؤال يقول : سجلي اعترافاتك

1- اعترف اني احب اكل اشياء صحية و على كثر ما اكل ما امتن

2- اعترف اني اطمح ادش طب بس ١١ علمي تخلي الواحد ينسى احلامه

3- اعترف اني ما اعرف اكره احد ولا احد بقلبي و هالشغله صح بس مرات تتعب الواحد

4- اعترف اني احب الدراسة بس اكره ضغط الامتحانات

5- اعترف اني اسوي كل شي على المزاج .. و مزاجية بدرجة مو طبيعية

6- اعترف اني حساسه وايد و اتأثر بكلام الناس بس ما احب ابين لاحد

7- اعترف اني كتومه و ما احب اتكلم عن نفسي او مشاكلي الا لاشخاص قليلين

8- اعترف اني عطيت ناس وايد ثقة ما يستحقونها

9- اعترف اني احب رفيجاتي و اعزهم حييل و اعتبرهم خوااتي و اكثر من خواتي

وايد طولت عليكم :P ممم بس كاافي اتوقع

و سوري على التأخير