مثل ما وعدتكم
كل ما أخلص من قراءة كتاب بكتب لكم رايي عنه
كتاب اليوم اسمه : المنصة
للكاتب : خالد عادل النصرالله
الطبعة الاولى 2011
عدد الصفحات : 96
عدد الصفحات : 96
مكتوب ان من دار الفراشة
بس انا ماخذته من دار نوفا بلس
الكتاب عبارة عن مجموعة قصصية
فيهم بالضبط 20 قصة قصيرة
النبذة من خلف الكتاب عبارة عن مقتطف من قصة المنصة
في البداية أول ما بلشت اقرا اول قصة حسيت اني ضايعة
ما كنت متعودة على الاسلوب .. بعدها من عرفت شلون
بلشت توصل لي الفكرة أسهل و أسرع
حبيت طريقة السرد على اختلافهم في القصص
بس في قصة منهم ما فهمتها عدل اللي اهيا " المنصة "
بعض القصص احتوت بعض الجرأة بالوصف بالنسبة لي
و أظن ان في قصة او اثنين كانوا على موقع الكاتب من فترة
لان و أنا اقراها حسيت كأني عارفتها و الكلمات كذلك متشابهه
الحلو بالقصص انهم من الواقع
احداث صارت معانا او شفناها او حتى تخيلناها
أكثر قصص حبيتهم اهما :
أفكار مذنبة
الحصة
هذا ما يعني ان ما حبيت الباقي بالعكس
حبيت أكثر من قصة و كل وحده لها شيء يميزها
لكن بـ " أفكار مذنبة "
طريقة السرد هذه احبها و محاولاتي فيها فشلت
و الكاتب جعل طريقة السرد هذه سلسة تفهم القصة كل وحده بروح
و بنفس الوقت سهل ان نربطهم مع بعض
و " الحصة "
فكرة بسيطة احتمال تكون صارت ويانا
و ان ما صارت اكيد شفناها
الكاتب نجح بأخذ فكرة بسيطة مثلها
و حولها لنا لقصة تستطيع تخيلها و الاستمتاع فيها
للتواصل مع الكاتب عبر Twitter :
@KhAAlNasrallah
ليست هناك تعليقات:
إرسال تعليق