انا من الناس اللي أحب اقرأ وايد ان كان كدراسة او كترفيه
١٨. أسراري - اسرار الأنصاري
١٩. شيماء و قلوب أخرى - علياء الكاظمي
٢٠. يا بعده - علياء الكاظمي
٢٣. Exit3 -سعد علوش
٢٤. أمريكا و السعودية - غازي القصيبي
و بس هذه حصيلة الكتب اللي قدرت اخذها بظرف ساعة و نص
في كتب ما حصلتها كانوا خالصين ما شاء الله و في منهم نسيتهم
و ما ذكرت الا لما رجعت البيت أني ما أخذتهم
عالعموم الكمية تعتبر نسبيا كبيرة و حلوة
و كالعادة بكتب رأيي فيهم بالمدونة بعد
و اذا قارين شي حلو كتبوا لي اسم الكتاب تحت بالتعليقات
و هم اذا قارين شي من الكتب كتبوا لي آراءكم عنها
بالأول ما كنت أحب الا انواع معينة من الكتب مثلا :
كنت أحب الروايات بس ما اقرأها بأنواعها لازم بنمط معين
و الشعر نفس الشي و كذلك كتب علم النفس
لكن الحين اقرأ كل شي تقريبا حتى لو ما احبه بس كتغيير
و أجرب شي جديد ، أفكار جديدة، لغة و أساليب متنوعة
و معلومات مختلفة أكيد و وجهات نظر
تعودت كل عام لازم اروح معرض الكتاب أشوف شنو الجديد
أقابل كتاب و أتناقش معاهم و أسولف
مهما اروح مكتبات بس عندي معرض الكتاب شي غير
و من الضروري أني اروح له كل عام
للأسف السنة اللي فاتت ما قدرت احضر
ليش ان كان عندي دراسة و ما خلصت الكؤوس عشان أرد الكويت
هال سنة لحسن حظي أنهيت اختباراتي مبجر و لحقت على المعرض
و على ما وصلت و خلصت اشغالي كان باقي بس يوم واحد اللي أهوا اليوم الأخير
فما قدرت افتر وايد و أشوف وايد كتب و أتناقش مع كتاب كثار
ولا قدرت احضر حفل تواقيع زملائي اللي كنت متشوقة أني اقابلهم
بس الحمدلله قدرت أخذ جم كتاب جديد وحضرت معرض مرتب
لاحظت هالسنة بعد ما شاء الله الإقبال كبير و قاعد يزداد سنة عن سنة
لكن في كتب كثيرة احسها تجارية أكثر من انها تكون ادبية ثقافية
و هالشي احتمال اناقشه بعدين معاكم
بهالبوست حبيت اكتب لكم أسامي الكتب و الروايات اللي حصلتها و اخذتها.
حصيلتي من معرض الكتاب الدولي في الكويت لعام 2014 :
١. عفيفة و لكن - بدرية المازم
٢. رسائل شعر و عرفان - حمدان الديحاني
٣. العام الذي ذبلت فيه الورود - أريج اللهو
٤. تكريت - سارة ديكسون / إقبال فرحان عبيد
٥. سائق الحرب الأعمى - أسعد الجبوري
٦. مدينة الرياح - قاسم خضير قاسم
٧. تجاعيد - بدر العتيبي
٨. المغيسل - موضي رحال
٩. ١٦ جادة قص كويتية - الملتقى الثقافي
١٠. اعترافات امرأة - باسمة احمد
١١. غايب - مشاري العبيد
١٢. طيور التاجي - اسماعيل فهد اسماعيل
١٣. رجال من حرير - محمد النشمي
١٤. فراشة من نار - محمد النشمي
١٥. زاجل - خالد النصرالله
١٦. متحف الأرواح - عبدالوهاب السيد
١٧. أترى يعود ج؟ - صالح الخليفي ١٨. أسراري - اسرار الأنصاري
١٩. شيماء و قلوب أخرى - علياء الكاظمي
٢٠. يا بعده - علياء الكاظمي
٢١. غيبتك - فيصل العدواني
٢٢. Exit2 - سعد علوش ٢٣. Exit3 -سعد علوش
٢٤. أمريكا و السعودية - غازي القصيبي
و بس هذه حصيلة الكتب اللي قدرت اخذها بظرف ساعة و نص
في كتب ما حصلتها كانوا خالصين ما شاء الله و في منهم نسيتهم
و ما ذكرت الا لما رجعت البيت أني ما أخذتهم
عالعموم الكمية تعتبر نسبيا كبيرة و حلوة
و كالعادة بكتب رأيي فيهم بالمدونة بعد
و اذا قارين شي حلو كتبوا لي اسم الكتاب تحت بالتعليقات
و هم اذا قارين شي من الكتب كتبوا لي آراءكم عنها
ليست هناك تعليقات:
إرسال تعليق