مادري شقد اخطيت بدنيتي
بس بمحبتك تأكد ما أخطيت
مهما بدر منك و مهما بدر مني
للأيام الحلوة ما نسيت
كيف اعبر لك عن شعوري
كيف اخط لك شجوني
و بسهم بقلبي رميت
نزفت من الحب اهات
و نزفت حزن و آلام
بس عمري ما هقيت
بسبب وحدة عني تخليت
ما أنكر .. نعم خنتك
بس انت بالمثل جازيت
و بعدها تغيرت
مو بس عشانك و لا عشاني
عشان نقدر نعيش احنا الاثنين
صحيح .. مافي شي يمحي اللي فات
مهما مرت الأيام
و مهما طال الزمان
الايام الحلوة ياية
و انشاءالله بتعوض
انصدم بيوم كلمتك
سألتك تحب غيري
بكل برود ترد .. اي
و اغرق انا ببحر الصدمة
لا بكاء بالاول
ولا صياح و لا نواح
فقط ادماان بالام
هذا اللي احتواني
احساس باني انتهيت
لكن بالطبع مو هذي النهاية
فقط بداية للألم اكتسيت
دامه منك ما أرده
كل شي منك أتقبله
دام شوفتك لي تعبان ترضيك
دام شوفتك لي هلكان تعجبك
ببقى جذي عشان رسمة شفاتك
لا تكدر و لا تزعل
هذا قسمة و نصيب
يوم لك .. يوم عليك
بس عمري ما تخيلتك
تكون علي كذا قاسي
آه يا زمن
مرت أيام غيرتينا
من ساعات و لحظات ما نتفارق
صرنا نتهرب لي شفتينا
بس مهما رحنا و يينا كنتي تصيدينا
شعوري له ما اختلف
و ايام تمر
على حبه اصحى
و على حبه امسيت
روووعه فطوم روووعه
ردحذفحلو الكلام لي طلع من القلب
يعبر عن اشياء واايد حتى لو حزينه بس تكون صادقه
الللله كلآآآآم نـآبع من القلـب وصـآدق
ردحذفكلـمآت "بسيطه" بـس لـهآ تأثيـر {~ كبيييرر
يعطيك العآفـيه فديتك :)
كوووني دآئمآ مبدعه
سسمي >> وردهـ
Unique Girl :
ردحذفتسلميين حبيبتي
يعطيج العافية
منوره
(◕‿◕✿) :
ردحذفتسلمين حبيبتي
الله يعافيج
قواج الله
سعيده بوجودج
أجمل مافي هذه الكلمات هي الإعتراف بالخيانه ..
ردحذفأبدعت فأبدعت ..
تقبّلي ودي و تقديري و أشد إحرامي لك ..
دمتي لي بألف خير ..
Al Pacino :
ردحذفالاعتراف بالخيانه من حق الشريك برأيي
فمهما حصل يجب الاعتراف .. و الاحسن عدم الخيانة من الاساس
تسلم .. و يعطيك العافية
يسعدني وجودك
مؤلم...أن يحين هذا الوقت عندما يصبح الحب انكسارا فنقبل الذل لنرضي حبنا ,,
ردحذفبورك صدق احساسك ~
~أم حرّوبي~ :
ردحذففعلاً مؤلم
الله يبارك بحياتج حبيبتي
منوره
Ya salaaam 3alaaaaaaich..wallah mashallah 3alaich kalamich meyaa meyaa:P
ردحذفWidii a3rif shi3oori a3aber nafsich;p
Bint ilKuwait :
ردحذفtslmeen 7ubi .. a7rjteeni
kl shay mzaaj :P
7awlay t6l3een topic w elklmaat t6la3 brou7ha xD
ماشاء الله ابيات حلوه من انسانه احلى كلمات معبره بس حزينه ):
ردحذفcheese 7cake :
ردحذفتسلمين حبيبتي من ذوقج
مرورج الاحلى
أأأأأأخ يالحب يبط الجبد لووووول
ردحذفاللحظات الحلوة قليلة واللحظات الصعبة والي تبط الجبد ماتخلص كلش اوووووف
لله يجعل ايامج كلها فرح وابتسامة :)
ردحذفطموحة مملوحة :
ردحذفلووول
و انتي الصاجة اللحظات الصعبة و اللي تبط الجبد اهيا اللي تنذكر
و اللحظات الحلوة بسرعة تنسي و ما تيي بالعين
منوره
Engineer A :
ردحذفحبيبتي تسلمين
وياج انشالله
عسى الله لا يحرمني من طلاتج
ابدعتي
ردحذفيعطيج العافية
Made n Q8 :
ردحذفتسلمين حبيبتي
يعافيج و يخليج يارب
روعه
ردحذفجان زين لو أنا أعرف أكتب جذي :(
Slashy :
ردحذفتسلمين حبيبتي
كتبي اللي تحسينه و بخاطرج فييه و لا تفكرين
كل شي يطلع بوقته
كلمآت طآلعه من قلب
ردحذفوآللي أعجبني الإعترآف بآلخيآنه ..
بعض الأعترآفآت تكون طريق للسمآح :)
لك ودي =)
bsbo0osa :
ردحذفتسلمين
الاعتراف بالخيانة واجب من الطرفين للشريك
و بعضها كما قلت يعتبر طريق للسماح
و ان لم يكن فعلى الاقل الصراحة
كل التقدير و الشكر
koko :
ردحذفthank you sweetie