يا ناس سؤال ليش كل هالعنصرية
ليش ما تخلون الحياة حلوة و وردية
حكموا على اللي جدامكم بضمير و انسانية
حكموا على اسلوبه و اخلاقه و تبربيته
لا تحكموا عالمذاهب ان كانت سنية او شيعية
ولا ان كانوا بدوان او حضرية
ترا كلنا ناس و مسلمين ,, اقتدوا بنبينا
اللي علمنا التواضع و الحكمة و الطيبة
ترا الناس مو بالاصل ,, بطبايعهم الرزينة
ولا مهم ان كانوا بدون او عندهم جنسية
ترا كلنا عيال ناس و عايلة و قبيلة
خلونا ايد وحده لنرفع راس ديرتنا الحبيبة
و نرد أيام الكويت القديمة
ايام السمو و المجد و قوه العزيمة
خلونا نرفع اسم الكويت و نرد سمعتها بين الخليج و الدول العربية
و انشالله دام الدم يسري بعروقنا بنوصل سمعتها لامريكا و الدول الاوروبية
باختصار بنخليها توصل للعالمية
صح كلامج فطوم لازم نتحلى بالصفات الزينه والحلوه مايصير كلنا نحكر مخنا بأشياء مو موجوده
ردحذفمشكووووره على هالكلام الحلو
Unique Girl :
ردحذفالعفو سارونة
ما سوينا شي
بس حبيت اذكر الناس شنو وصانا رسولنا
" لا فرق بين عربي و اعجمي الا بالتقوى "
مرورج يسعدني
الاخلاق والايمان والعمل الصالح والقلب السليم هي معايير التفاضل بين الناس وليس بحسب الاصل والنسب والحسب لافرق بين الناس جمينا مخلوقين من تراب وبنرد له جميعا ..
ردحذفصراحه ماطرحتيه قمه في الروعه والقيمه ..
جزااك الله الجنه مدونتك متميزة.
رندا الجنوبية :
ردحذفصح كلامج الناس مفروض تشوف ايمانه و دينه
مو الحسب و النسب و الاصل و الفصل
مشكوره على تعليقج
امين يا رب و يخليج لاحبابج انشالله
اصفقلج على هالكلام الكبير
ردحذفيبتيها عالجرح
يعطيج العافيه :)
* bokeh of magic :
ردحذفتسلمين يالغالية ,, اخجلتيني
الله يعافيج و يخليج لاحبابج و قراءج
كلام جميل و كله عقل
ردحذفنتمى معاج ذلك
الله كريم
الكلام حلو .. بس التطبيق بيكون وايد أحلى :)
ردحذفكوني بخير ..
صدقتي عنصرية ما بعدها عنصرية هذي اللي نعيشها ..مادري الناس كيف تشوف حالها يوم تقسم العالم طبقات هذا غني وهذا فقير هذا من عايلة محترمة وهذولا على قد حالهم بالنهاية كلنا عيال ادم ..كلنا بشر ..ومايفرق بينا غير التقوى ..
ردحذفيعطيج العافية ^^
سبب كبير من المشكله اهيا التربيه اللي الياهل من صغره في سن التشكل يغرسون فيه هالافكار السامه واتمنا مع التحضر والتمدن تذوب هالاشياء لكن التوعية مطلوبه واحنا لا انشالله ازوجنا يتوجب علينا ما نغلط غلطت اهلنا ومشكوره عالبوست
ردحذفالله يا كتكوته .. والله آخر شي كش شعر جسمي .. إنشالله بإذن الله راح نوصّلها العالمية ..
ردحذفأبدعتي يا إختي
دام قلمك .. إبداعك
تقبّلي ودي و تقديري و إحترامي الشديد
دمتي لي بألف خير
reemas :
ردحذفتسلم ما قصرت
ebtsamh :
ردحذفصدقتي
مشكوره ع المرور
ام حروبي :
ردحذفصح لسانج
و الله ما خلق الناس طبقات عشان كل واحد يشوف نفسه
يبينا نكون ايد وحده كل واحد يساعد الثاني
و التقوى و الايمان اهوا المعيار الوحيد اللي لازم نشوف فيه الناس
الله يعافيج و يخليج
Tazmania :
ردحذفصح كلامج .. الغلط من الاهل و لا ننسى المجتمع اللي عايشين فيه
المفروض الاهل يمنعون عيالهم من هالتفكير و يوضحون لهم ان ماكو فرق
و لازم يخلون الياهل يفكر بنفسه شنو صح و شنو غلط بس بارشاد طبعاً
و احنا مفروض نوعي عيالنا من هالشي
العفو ,, مشكوره على مرورج
Al Pacino :
ردحذفانشالله باذن الله .. الله يسمع منك
تسلم ,, دام استمتاعك
اشد التقدير و الاحترام
مو بس ع جذي جان زين الحين اشكثر عندكم فلوس واملاك بيحبونكم :\
ردحذفومشكوره ع الطرح..
رورو شخبوطة :
ردحذفالناس ما قامت تحكم صح
صارت سالفة تنفعني ارافجك
ان كان عندهم مصلحة صاروا ربع
و ان خلصت منفعتهم كل واحد بطريج
العفو ,, مشكوره على رايج
صدقتي والله ... لو الناس بس تخلي عنها كل هالعنصريه كان عشنا مرتاحين
ردحذفcrystal :
ردحذفاي والله
مافي شي مخرب علينا
غير العنصرية و التفرقة
شكراً لمرورج
انا اقول لايحكمون على أحد خل بس كل واحد فيهم يجابل حياته أحسن له ومالهم شغل بحياة غيرهم لأن بالأخير الحكم يرجع لخالقهم.
ردحذفخوش بوست يعطيج العافية
كلام جميل وحلو
ردحذفتسلمين
Pisces Chick :
ردحذفصح المفروض يفكرون جذي
بس الانسان بطبعه اجتماعي
فالحكم هذا يكون من المستحق بالصداقة
فالمفروض يحكمون على شخصية الانسان
مو الاشياء الثانية الاقل اهميه و اللي مالها اهميه موليه
الله يعافيج
mazyona :
ردحذفمشكوره من ذوقج يالغالية
الله يسلمج و يخليج
و الله معاج حق بس وين اللي يسمع
ردحذفتحياتي
maram :
ردحذفاحنا نسوي اللي علينا
و الناس انشالله تتغير و تصفا النفوس
و نرد مثل قبل و احسن ايد وحده كلنا لا تفرقه و لا عنصريه
عدل كلااامج
ردحذفحسافه والله الكويت و شعبها صاروا جذي :(
مادري شنو مستفيدين من هالعنصريه
انا وحده تأذيت من هالشي !!
koko :
ردحذفايي والله حسافه الكويت صارت جذي
خربوا الديره .. و فرقوهم
و مثل ما انتي تأذيتي وايد ناس قاعد يتأذون
و حقوقهم قاعده تضيع بسبة هالشي