كل ما بتنزل دمعه تخنقني العبره و اسكت
مادري دمعتي مستحيه مني و لا انا عودتها انها ما تنزل
اخخ يا قهر اخخ يا دنيا
وش هالقدر اللي مو مكتوب لينا
ليه حظنا كذا ليه مو متوفقين بعمايلنا
عمرنا ما جرحنا الناس
عمرنا ما بكّينا
لييه القدر ضدنا و احنا شو سوينا
كل همنا نعيش مثل الناس
كل همنا نفرحهم
عشنا بدنيا كلها جراح
و هي تبكينا
كتبنا دمعتنا عالورق
لعلها و وعساها تطلع تهدينا
انا بعيده عن الكل ما ابغى اعيشهم بهَم
وش استفدنا من الحياه وش استفدنا من الدنيا
هم و غم كل هذا اختبار
اللهم لا اعتراض
بس الهم انسكب فيني و انا الحين برتاح
اخخ يا دنيا وش سويتي فينا
ما هقيت مره زعلناج و ما مره ضايقناج
الخنقه عصرت قلبي
تعبتني ..
هلكتني ..
الف ويهي يمين شمال ما الاقي حد
يجيني شخص من بعيد فرحاان يبتسم يتضحك
و انا عيني غورقت بتسيل على خدي
احبسها بداخلي و ابتسم هلا بالغالي اللي حل علينا
الدمع يهل دم بداخلي و انا اتضحك
لجلك انت مابي اضايقك مابي اكدر خاطرك
و ان ضاقت عليك دنياك
جيتلي تناديلي اسمع اسمي على لسانك اركض لك و اجييك
امر سم حبيبي شاللي مكدرك شاللي مضيق خاطرك
تتهمني انا اللي جارحتك و انا اللي اداويك
انا اللي جالسه كل يوم استنااك
و اكتم بنفسي مابي ابكيك
و تقولي انا اللي مبتعده عنك و متغيره عليك ؟؟
عجييييييييييييييييب ماشالله عليج
ردحذفموووفقه ان شاء الله ..:)
شلون ؟ شلون كل هالكدر و الهم و إهي إلي متغيره عليك .. ؟
ردحذفعوّرتي قلبي والله .. الحبيب عندما يبتعد عن حبيبه .. ربما يعذّب بنار الفراق .. ولكن .. هل للفراق قلب ليشعر بهذا العذاب ؟ و بعد كل هذا الفراق الذي كان سببه هو .. يأتي و يقول "متغيره عليك" ؟
تقبّلي ودي و تقديري
أشد إحترامي لك عزيزتي
احد معجبينك
دمتي لي بألف خير
Unique Girl :
ردحذفبصراحة كنت متردده اني احطه عالبلوق
بس دام عجبج عيل اكييد ما غلطت باختياري
كلج ذووق
و الله يوفق الجميع
Al Pacino :
ردحذفشفت شلون
بس شنقول الدنيا حظوظ مره لك و مره عليك
و الحمدالله على كل حاال
تمنياتي لك بالافضل
كن بخير
كلمات حزينه جدا و تعور القلب
ردحذفكم هو محزن ان نلاقي الاحسان باساءه
و تاكدي الانسان اللي يجرحج مو اهوا الشخص اللي يستاهل حبج :)
دمتي بخير ..
عورت قلبي الكلمات ..
ردحذفكلمات في الصميم ..
ابدعتي فأبدعتي ..
قواج الله ^_^
*Being One :
ردحذفسلامة قلبج
تسلمين ما قصرتي
اسعدني مرورج
فدك المطيري :
ردحذفكلماتك دفعة لي
فان وصلك الشعور حققتي حلم من احلامي
شكراُ لكلماتك الطيبة
كوني بخير
مبدعة ..
ردحذفما اجمل الهم عندما تأتي بعده التضحية باسعاد الاخرين .. ابدعتي بالمشاعر فوصلت من القلب الى القلب ...
دام ابداعك
Antonio :
ردحذفتعليقاتك تسعدني
فكلماتك دافع لي لكتابة المزيد
دام تواجدك في مدونتي
اشد التقدير والاحترام
تحياتي
الله الله عالابداعات المتواصله لكن عزيزتي
ردحذفما فكرتي بيوم ليش دايما متضايق ؟
ما يت على بالج فكره ان جرح الحبيب غير عن كل الجروح ؟
ما حطيتي ببالج ان اللي يحب من قلب و يخونه حبيبه دون سبب يعيش طول عمره و اهو يتساءل بينه و بين نفسه ليش ؟
و ما حطيتي ببالج ان اذا اقرب الناس لج خانج بتتمين تفكرين طول عمرج بسبب الخيانه و كل ما تتذكرين السالفه بترد تصك فيج الدنيا ؟
و فوق هذا من لج غير من كان بيوم من الايام اقرب الناس ؟!
اعذري تطفلي على مدونتك الابداعيه...
HaCkErZy..!! :
ردحذفتسلم ما قصرت من ذوقك
و اجابة على اسئلتك
العاشق يقدر يكون متضايق لاكثر من سبب
و حتى لو جرحه غير عن الكل بتم انسان عزيز و غالي
و هذه سبب بس تقدر تقول ليش ما يتذكر الشي الزين منه
بدال لا يضايق نفسه اكثر .. التفكير باللي طاف ما راح يرد الزمن
و حتى لو شكى لحبيبه .. ما راح يقدر يسويله شي .. لانه شي طاف و انتهى
و جرح القريب اكيد اصعب من جروح كل الناس ,, و الخيانة ما نتسي
بس اذا كنت صادق بحبك راح تتناسى او على الاقل تحاول تسامح
مو عشانه بس عشان نفسك و عشان تقدر تكمل و تعيش مع اللي جدامك
و طبعاً اخيراً مالك الا اقرب الناس مهما يكون محد يعوض مكانهم
"تطفلاتك " تسرني ,, دام تطفلك
تحياتي