خساره عمري اللي ضاع وياك

كنت أشوف فيك الدنيا

كنت اشوف فيك العالم

ليش علي دايم تقسى

ليش ما تبقى مسالم

انت كنت كل حياتي

دفا قلبي و نبضه

كنت تمسح كل آهاتي

و خسرت كل شي بلحظه

قال :هذي ام عيالي

قلت: هذه ماهي الا وحده

قال :انتوا شي و اهيا شي

قلت : دخلتها علينا و اهيا غريبة

فكرت اني اربحك فيها

بس طلعَت اخبث من الخبيثه

كنت احقق لك كل امنياتك لو على حساب نفسي

ما هقيت انك بتطعن و بصفها بتكون

انا اللي عطيتك من دمي و روحي

و خسرت أهلي و ناسي

تمنيت بلحظه الاقي الجزا والرد الوافي

لكن يا خساره من عمري و وقتي

يا حسافة باللي ضاع

عطيتك من قلبي ماسه

و انت عليها ما حافظت

رووح الله وياك

و يحفظها و زنوب معاك

بس تذكر هالكلمات

ليي ضاع الوقت و قامت الاموات

انا ما خسرتك انت اللي خسرتني

و بعت قلبي الماسي

يا خساره بالعمر اللي ضاع وياك

أمانة هالكلمات لا تنسى

الوقت لي مضا ما تنفع الاصوات

قال: اللي فات فات و اعتبري اللي فات مات

قلت: اسفة الجرح اللي بقلبي ما تشافى

كل يوم عن يوم يكبر

و الجرح لي كبر ما يصغر

لجل العشرة طوفت وايد أشياء و تغاظيت

و لخطاك كم مره عن مره تناسيت

بس للأسف اخترت غريبة

و عن عيالك تجافيت